LYRIC
57 Cimaw Huuna
Thuciam Lui
Topa na Pathian ii hongpiakna ngamsung khua khatpapo ah kisapna a nei Israel na mipui khatpo a om le duhop heakvun a, huungawlin omheak vun. A tangsapna gotakin puuk vun.
Ngotak le awina tak taw pia vun, tua hi le nasepna theampo ah Topa in thupha hong pia tu hi.
Mizawngte a au uh ciang ka huu hi. Zot natu neingawl tangate kahuu hi. Cimawkna nasia bel a thuakte in kei hong pok uh hi, taciang meingongte ngammuang in a omthei natu lampi ka zonsak hi.
Thutangte khualna taw ka ngamta tawntung hi. Mittawte atu in mittangte kahi a, peangbaite atu in peangte ka hihi.
Mizawngte atu in pa dinmun ah ka ding a, khualmi ngimngate sangah ka pang hi.
Lungdamtu na uk le azawngte tung ah dik in. Akuamapo zawnsakna sia mawna ahi hi. Mizawngte na nengcip le a vawtpa Pathian selno na hi hi, ahihang mizawngte tungah dikna in biakpiakna namkhat ahi hi.
Mihing zawngte na nuisan le amate a vawt Pathian a selno na hihi.Midang khat ii kaamsiatna tungtawn ah diksa in na omna le daan na thuak tu hi.
A zawngte tungah napiak ciangin Topa tungah puukthak na hi a, Topa in hong lokiktu hi.
Piakna sungah na ngo vun a, na an uh mizawngte na hawm vun. Tuahu in thupha na sang tu uh hi.
Mizawngte pia vun tua hile bangma hun na ki tangsamh batu hi. Azawngte na enbua uh le mihing tammama in hong haamsiat tu hi.
Thuciam Thak
Mittawte khua mu in, peangbaite lampai thei a, miphaakte kidamsak in, nangongte khua zathei a, a thisate kinungta sakkik in, a zawngte tung ah lungdamna thupha kihil hi.
Amate hong nget thukhat in amate pawl sungah a cimawte ka phawpui natu hi a, tua thu in septu mama ka lawp thu ahi hi.
Tua ahikom napha sepna sungah toi kisa ba tawng; banghangziam cile thinkiam bapoleang ih anlaak tu hun hong thengtu hi.
Tua ahikom hunpha ih ngasim in mihing theampo tungah a pha ih seamtu a, a tuan in ih upna sungah ih innkuanpuite tungah ih seamtu hi.
Hong ngaita vun, ka it suapuite awng! Pathian in hi leitungah mizawngte sia upna sungah ahau tu le ama a itte atu kamciam a piak Pathian ngam a luatu in tealzo hi.
Ahihang khatpo in a mealheakte atuan in ama innkuanpuite a en nuambua uh le ama in upna thu a nial suak a, ama sia thu umngawlte sangin sia zawlai hi.
Khatpo in ama sia biakna kin mihing khat hi ing ci in a ki ngaisun ziam?
Ama in a leii a ukbale ama ii a biakna sia a luithathong suak a, ama le ama kitheam ahi hi.
Pathian ii a thiangtho biakna tatak hi ci in a ngaisut sia hi teng hi: tangate le meingongte thuakna sungah khoina le leitung siatna pan in eima le eima kikepna ahi hi.
Ih Topa Jesus Christ sia haumama napi Jesus in ama mun ah ” Na cialcing nuam le va pai tan a, na neisa theampo zuakin, sum na ngateng a zawnte pia tan, tua hi le vantung ah na hautu hi”
(*_*) =*=*=*=*=*= (*_*)
Comments are off this post