LYRIC
1 Kumthak – A Kizo Thubu
Thuciam Lui
Simleibup awng, TOPA tungah la sa vun a, lungdamna taw bia vun; ama mai ah lungdamna late taw hong zuan tavun.
TOPA sia Pathian hi ci in ciamtee vun. Eite hong bitphuapa in ama hi a, eite in ama mihing, ama tuuhonte ih hi hi.
Biakinn kongpite sungah lungdam kona taw tum vun; pokna taw a leitual ah pai vun. a, lungdam ko in ama pok vun.
Banghang ziam cile TOPA pha hi; ama hesuakna kip in hong itna in bomaw a, ama thumaanna a khang a khang in kip tawntung hi.
Pate in a tate tungah a cik bangma TOPA in a tate tungah cingh a hesuak hi. Banghang ziam cile eite bang taw kivawt ci he a, leivui ih hi hunlam ciamtee hi.
TOPA hesuakna le hong itna sia ama a kiitate tung ah a tawntung pan a tawntung in ki khomsuan a, a phatna in akhang akhang in kikhom hi.
Ama’ thuciamna sungah a citakte le a thupiakte phatak in a zuite atu ama phatna in khangsim khangsim kiptop hi.
Ama’ deina bangin a ngamta, ama na a seam, no vantung lalangte theampo awng TOPA pok vun!
Ama’ ukna mun theampo ah hong piansak sate awng, TOPA pok vun, ka tha awng! TOPA pok in.
Ka thaa awng, TOPA pok in! Ka nuntakna theampo awng, ama min thiangtho pok in!
Thuciam Thak
Nong lungdam sak uh a, ka angtang mama hi! Suapuite awng, hi bang na nuntak laiteng Topa sungah na kip tu uh ahi hi.
Haksatna theampo sungah, lungkim thei natu ka sin sa ahi hi. Christ hong piak vaangletna taw na theampo phul zawk thahatna ka nei hi.
Topa taw pumkhat hu in, lungdam tawntung vun. Kong ci kikik hi: Na khat papo sung ah thinngim heak vun a, na kisap thute Pathian tungah lungdam kona taw thu na ngen tawntung vun.
Tua hile kuama ii tel zawk ngawl thin nopna in Jesus taw ki pumkhatna hangin, hong ngam muang sak tu hi.
Suapuite awng, tua tel nga zo khi hi, ci in ka kituat bua hi; nungsang thute mangil in mai sang thute ka phaak natu in ka hanciam hi.
Jesus Christ tungtawn in tunglam nuntak natu Pathian hong sapna ahi zawna tel nga tu in mungtupna sangah tang takin ka tai hi.
A khakbel kong ci nopna ah suapuite awng, thupha le a pok huai thute na ngaisun tavun; thumaan thutak, mipi tanhuaina, thutang thu, a thiangtho, a dei huai, a thasiat huai nate na ngaisun tavun.
Ka kammalte le ka ngamtatna pan na nga uh, na saan uhte sia nuntakna sungah na zangh tavun. Tua hile eite thin nopna hong pia Pathian in no taw hong omkhawm tu hi.
(*_*) =*=*=*=*=*= (*_*)
Comments are off this post