LYRIC
8 Khango (Youth)
Thuciam Lui
Mihing theampo tungah ka thaa ka buak tu hun hong theng tu a;
Taciang na tapate le na tanute in ka thu thangsak tu uh hi; na khanghamte in mangman tu a, na khangnote in mukholna nei tu uh hi.
Khangnote awng, na khangmoi hun nuamsa vun. Na khanmoi lai in lungdam vun.
Na vawt nop po vawt vun a, na uk bangpo ngamta vun. Ahihang Pathian in na ngamtatna bangin thu hong khen tu cisia ciamtee tavun.
Na thinngim tu ni le a kum hong thet ma, Nuntak paw nuamsa bong na ci ma, na khan moi lai in nang hong Bitphuapa phawk in.
Tua hun sia, ni le tha le aksite ii taanna nang atu in a dial hun le ngua meei a ven nawn ngawl hun ahi hi.
Ngunkhau tat tu a, kham mei-inn taaksuk in tamtham tu hi; tuikhuk ah khauzeen sia tatin tuibeal zantham tu hi
Ih pumpite leivui ah ciakik tu a, ih thaa ahile nuntakna hong pia pa Pathian kung zuankik tu hi.
Pathian zakta in a, a thupiakte ni in, bang hangziam cile hite theampo sia mihing a ki bitphuana thu ahi hi. Pathian in ih sep ih vawtte theampo, a pha ahizong, a sia ahizong, ih vawt kute ngangawn dongin thu hong khen tu hi.
Thuciam Thak
Ka tapa awng, Jesus Christ taw na kikopna tungtawn in na nga thuthiamna taw thahat in.
Tetti tam mamate mai ah ka than sak hilnate, ngualdang a hil sawn thei tu a muanhuaite tungah aap in.
Khangmoi na hina kuama in zawngsak sak heak in a, na pauna, na ngamtatna, na itna, upna le thianthona sungah, thu umte ii ettee tu hi tan.
Pathian mai ah a kip a phabel in naseam in a, nasep tungtaang ah maizum natu a om ngawl Pathian thumaan thutak a hilh thei pa hi in.
Jesus mai ah pasal khat hong tai a, khupdin in, Sya pha awng, nuntak tawntungna ka nga natu in bang ka vawt tu ziam? ci in dongh hi.
Pathian khat bek sim ngawl, a pha kuama om ngawl hi. Banghang kei pha hong ci ni ziam, ci-in Jesus in dongh hi.
‘Mihing that heak in; palngul mawna vawt heak in; nguta heak in; leilot thu taw ngual suankhial heak in a; na pa le na nu zakta in.’
Syapa awng, ka no lai pan mama in, hi thukhaamte ka zui siat zo hi, pasalpa in ci hi.
Jesus in ama sia itna taw tangtan in en a,
Na khat bek kisamh lai ni hi. Va pai tan a na neisa theampo zuakin, na sum ngateng mizawngte pia tan; tasia ciang vantung ah hauna na nei tu hi; tua zawkciang hong pai tan a, ka nung hong zui tan, ci hi.
(*_*) =*=*=*=*=*= (*_*)
Comments are off this post