LYRIC
9 Leitung Ah Ngamthak Nasepna (World Mission)
Thuciam Lui
Ih Pathian in, Ka mite heeneam vun ci hi. Jerusalem mite hanthawn vun. Amate in ngei mama thuak zo a, tu in a khialnate kimai sak zo hi ci in son vun. A khialna theampo atu a kicingin daan amate ka pia zo hi, ci hi.
Kuamthuk theampo dimh vun; mual lian theampo maaitam sak vun. Mualnote zaangtam suak tu a, mual le luam teng kineal sak tu hi.
TOPA mama in kamciam zo ahikom, AMA minthanna kilangh in, mi theampo in mu tu uh hi, ci hi.
Jerusalem awng, mualsaang tungah kaato in lungdamna thu thang sak in! Zion awng, nging takin au keakin, lungdamna thute son in! Lau ngawlin sonkeak in.
A Pathian hong pai tu hi ci in Judah khuate tungah son vun!
Hat vun a lau heak vun! Pathian sia note hong suatak tu le na ngalte uh daan pia tu in hong pai tu hi, ci in a thinkiamte theampo son vun.
Tua munah, Thianthona ii lampi a kici lampi lian khat om tu hi. Mawneite kuama in tua lampi tawn nawn ngawl tu a; tua lampi a zuite mihing mamawte in lam khial ngawl tu hi.
Keima kam panin a pusuak kammal zongh tabangma hi tu a a hawm nguakin ka kungah hong heak kik ngawl tu a, sep tu a ka ngealna bangin tangtung a; ka sawl teng theampo seam tu hi.
Thuciam Thak
Jesus in amate kung neakin, Vantung le leitung ah thunei theina theampo a vekpi in kei hong kipia zo hi.
Tua ahiciang pai tavun, mun theampo ah mihing namcin theampo ka nungzui suaksak tavun: Pa, Tapa le Thaa Thiangtho min taw tui na phum tavun,
Ka thupiakte theampo a zui natu hilh tavun. Hun bo dongin note taw kong omkhawm tawntung tu hi, ci hi. Jesus in amate tungah, “Messiah in thina thuak tu a, ni thumni zawkciang in thina pan thoto kik tu hi,” ci hi.
Ama min taw kisiik kikna le mawmai sakna sia Jerusalem pan kipan minam theampo tungah kihil tu hi.
Ama a biak zawk uhciang, amate lungdamna lianpi taw kidim uh a, Jerusalem ah heak kik in, a hun nei uh theampo Biakinn sung Pathian tungah lungdamkona in zangh uh hi.
Thaa Thiangtho note tungah hong pai ciang, vaangliatna taw na kidim tu uh a, Jerusalem pan kipan Judea ngambup le Samaria ngam le leimong dong ah ka tetti na hi tu uh hi, ci hi.
Amate Jerusalem khua sungah tumin, a taam ngeina mun inn tung dawl sungah tung uh a, thungen tu in kikai khawm thungen nithi uh hi.
(*_*) =*=*=*=*=*= (*_*)
Comments are off this post