LYRIC
10 Ze Etna (Temptation)
Thuciam Lui
TOPA awng, nang tungah, thu kong ngen hi; ka Pathian awng, nang sungah muanna kong nei hi. Lel a maizumna panin hong hung tan a, ka ngalte kei tungah hong kisa thei sak heak in;
TOPA awng, na zia na tong hong lak tan a, na lampi hong hil tan. Na thumaanna taw kipawl a ka nuntak thei natu hong hil tan, banghang ziam cile nangma in ka Pathian na hi hi, kei hong hunpa na hi a nang kong muang tawntung hi.
TOPA awng, ka khangno lai a ka mawna le ka khialnate hong mai sak tan a, Na itna kip sung le na phatna sungah hong phawk tan.
TOPA sia pha a tang ahikom a tot tu uh lampi mawneite tungah hil hi.
A thuciam le a thupiak a nite theampo itna le thumaanna taw lampui hi. TOPA awng, ka kamciam kip sak in a, ka mawna hong mai sak tan.
TOPA awng, kei hong maingat tan a, kei hong hesuak tan, banghang ziam cile keima in khuangai in ka tha a zawm hi. Ka thin ngimnate pan hong suut tan a, ka ngimnganate pan hong hun tan.
Kei hong dalin, hong hun tan a, lelna pan hong keam tan. Ngam muan natu in nang kong tuu hi.
Noma le noma TOPA tungah ki aap vun; ama muang vun, ama in no hong hu tu hi.
Thuciam Thak
Tua zawkciang Thaa in Jesus sia Doai mangpa ze-et tu in ngam sungah paipui hi.
Sun sawm li le zan sawm li an ne ngawlin a om zawkciang Jesus ngilkial hi.
Doaimangpa hong pai a, Pathian Tapa na hi le suang hite anluum suaksak in, ci hi.
Ahihang Jesus in zokik a, Lai Thiangtho in, ‘Mihingte sia anluum bek taw nungta ngawl a, Pathian kamsung pan a pusuak kammal taw nungta hi,’ ci hi.
Tua zawkciang Doaimangpa in Jesus sia khuapi thiangtho Jerusalem ah paipui a, Biakinn khuvum a saangbelh na ah suanto hi.
Pathian Tapa na hi le nangma ki lawnsuk in, banghangziam cile Lai Thiangtho sung ah ‘Pathian in a vantung lalangte sawl tu a, na peang beak zongh suang taw a ki sukthak ngawl natu in, a khut taw hong dom to tu hi,’ ci hi.
Jesus in zo kik a, Ahihang Laithiangtho in, ‘Na Topa Pathian na ze-et heak vun,’ zongh ci si hi, ci hi.
Doaimangpa in mualsaang mama khat tungah paipui a, leitung ngam tua tuamte ii liatna theampo lak hi.
Khupdin in kei hong bia lete, hi teng theampo nang kong pia tu hi, ci hi.Tuasia ciang Jesus in, Satan awng, tai in! Laithiangtho in, ‘Na Topa Pathian bek bia vun a, Ama tu bek sep sak vun!’ ci hi, ci hi.
Ze-etna a thuak zote in a lungdam mihing ahi hi, banghangziam cile tabang a kisin sak nate a zaw ciangin, ama a itte tungah Pathian ii a kamciam sa nuntakna telte saang tu hi.
(*_*) =*=*=*=*=*= (*_*)
Comments are off this post