LYRIC
13 Thin Muanna
Thuciam Lui
TOPA in kei hong cing tuucing pa (Jehovah Ra-ah) ahi hi; ka kitaangsap theampo ka nei hi. Ama in lo hingna sungah hong lum sak a,
Tuithiang cingna munah hong paipui hi. Ama in thahatna a thak hong pia hi. Ama hong kamciam sa bangin lampi tang tawn tu in lam hong pui hi.
Thina luamkuam khuaziing thuk belna sung keak kantanin ka tawn zongin ka lau batu hi, banghangziam cile, TOPA awng, nangma in kei taw nong om khawm a, na tuucinna molpum le na ciangkhut in kei hong dal hi.
Ka ngalte mu tangin an neakna poai nong vawt sak hi. Leangna pipa bangin hong muak a ka lu sathau nong thii sak hi, ka hai a dim letin nong buk hi.
Ka khan tawntungin na cikna le na itna in kei hong ompui tu a, na inn sungah a tawntung in ka teang tu hi.
Ka au na hong za tan, Pathian awng; ka thungetna hong ngai tan.
Inn taw a kikhuala na pan thinkiam in nang kong biakpui hi! A muanhuai belna ah hong zotpui tan,
Banghangziam cile nangma in ka kidalna na hi hi, ka ngalte panna a kho ngalnanna na hi hi.
Ka nuntak sung tawntung na inn thiangtho sungah hong teang sak tan; na thakhui nuai ah thin muanna hong nga sak tan.
Taciang kong kamciamsa nate nisim in kong piak ciang nang tungah pokna la kong sa tawntung tu hi.
Thuciam Thak
Topa taw kipumkhat a ka nuntak sungah khua ngei hun khat zawkciangin nong thinbotna uh nong lak thei natu in, hunpha khat nga kik na hi uh ciangin ka lungdamna lian hi.
Hi bang ka ci ciang zong hong ki ngaingon ka sakna zongh hi tuan ngawl hi, banghangziam cile ka nei babang taw lungkim thei natu ka sin sa ahi hi.
Cimawkna le ci theina ka he hi. A koima papo ah bang hun papo ahizong ngilvana le ngilkialna, hauna le zawnna sungah, lungkim thei natu hi thukuu ka sin sa ahi hi.
Christ hong piak vaangletna taw na theampo phul zawk thahatna ka nei hi.
Na nei na lam uhte, nget ii neak tu, a eakseau tu le ngutate in phuul a, a nguk theina, leitung ah noma atu in khol heak vun.
Tua hi zaw ngawlin, na nei na lamh uhte, nget neak theingawl, eakseau theingawl ngutate in phuul a, a nguk theingawlna, vantung ah nakhol vun.
Banghangziam cile na neisate omna munah na thin na lung uh om tu hi.
Tua ahikom, ‘bang ka ne tu a, bang ka dawn tu? bang puan ka silh tu ziam?’ ci in thin ngim heak vun.
Tua sangin Pathian Ukna ngam le ama in nang tung pan bang dei ziam, ci sia zong masa vun, tua hile ama in nadang theampo zongh hong sik siat tu hi.
Tua ahikom zing ciang atu in, thin ngim heak vun; zing ciangin ama khom tu thinngimna nei tu hi. Nisim hong piang thinngimnate belap kul ngawl hi.
(*_*) =*=*=*=*=*= (*_*)
Comments are off this post