LYRIC
16 Christ Taw Kipawlkhopna
Thuciam Lui
Kei hong kihuna koisung pan hong pai him ci in mualtung ka ento hi.
Kei hong kihu natu sia van le lei a vawt TOPA kung panin hong pai hi.
Ama in nang hong liik sak ngawl tu hi; nang hong hung pa in a tawntung in hak hi, Israel a hungpa in lusu ngawl in mu ngeingawl hi.
TOPA in nang hong cing tu hi, ama sia na kungah nang hong hung tu in om hi. Sunin ni in nang hong liam sua ngawl tu a, zanin tha in zong nang hong na sak ngawl tu hi.
TOPA in nang sia launa theampo panin hong dal tu a, Ama in nang hong keamcing tu hi. Ama in na pusuana le, na sungtanna ah tu a kipan a tawntung in nang hong dal tu hi.
Nangma in ka hunpa le ka kidalna na hi hi; Nangma in ka Pathian na hi a; nang sungah muanna kong nei hi.
Pathian in, Kei hong itte ka hun tu a, TOPA a hong saangte ka hung tu hi. Hong biapui ciangin amate ka zo tu hi; ngim a nga ciangin amate taw ka omkhawm tu hi. Amate ka suatak tu a, ka upat tu hi.
TOPA a zaktate atu in ama itna in a tawntung in kikhomsuan a, ama phatna in khangsim khangsim kikhom hi, Ama thuciamna sungah a citakte le ama thupiakte pha takin a zuite atu in ama phatna in khangsim khangsim kikhomsuan hi.
Thuciam Thak
Christ taw hong kitho sak kik zo ahikom Pathian ziatsang kumpi tokhum tung Christ tona mun vantung ah a om nate thangai vun.
Vantung thute thangai vun a, hi leitung ah om nate thangai heak vun.
Banghangziam cile note thi zo a, note nuntakna in Christ taw Pathian sungah kiseal zo hi.
Mihing khat papo in Christ sungah mihing thak suak a; a lui nate bo in a thak in hong piang zo hi.
Na nuntakna lui taw a kikop zongsang nate na suut zo uh a, a thak nuntakna zia na silh zo uh hi.
Tua in, a kicing takin ama ih heak seseam natu in, Bitphuapa Pathian ii ama a suun tu in hong thaksua tawntung nuntakna thak ahi hi.
Tua hu in Gentile le Jew, vunteap at le at ngawl, khualmi le tualmi, sila le sila ahi ngawlte ci bangin kidoidanna om ngawl hi. Ahihang Christ sia na theampo hi a, na theampo sungah Christ om hi.
Note Pathian mihingte na hi uh hi, ama in hong it a ama atu in hong teal hi.
Tua ahikom note sia kiciliapna, cikna, kiniamkhiakna, thinneamna le thinsau nate puan bangin na silh tavun.
Khat le khat na kidual vun a, lungkim ngawlna a nei khat po na om uh ciangin, khat le khat ki mai sak vun. Topa in note mawna hong mai sak bangma in khat le khat na ki mai sak vun.
Tuaciang hi kicinna tungsia ah ki itna belap vun, tua in na theampo a cingin pumkhat suak tu in hong hen hi.
Christ ii thin nopna hong piak sia thinsung uksak tavun. Hi thinnopna sia note theampo pumkhat sungah na omkhop natu in Pathian hong sapna thubul ahi hi. Tuacia
(*_*) =*=*=*=*=*= (*_*)
Comments are off this post