LYRIC
20 Itna (Love)
Thuciam Lui
Israel awng hi thu ciamtee vun! TOPA – TOPA bek eite Pathian ahi hi. TOPA na Pathian sia na thin theampo, na nuntakna theampo, le na thahatna theampo taw it vun.
Tuni a kong piak hi thupiakte mangil ngei heak vun. Tua thupiak te na tate hil vun.
Inn ah ahizong, lampi ah ahizong, na tawlngak ciang le na nasep ciang ahizong hil kik tawntung vun.
Mihing khat papo huatsa heak vun, ahizong ama hangin na khial ngawl natu in ama maw nasa uh le phatak son zaw vun.
Kuama tungah phula heak vun a, kuama ngaimaw heak vun.
Noma na ki-it uh bangin na inn paamte it vun. Keima in TOPA ka hi hi.
Ahihang nangma hong bealte theampo in lungdamna taw la sa tawntung tahen. Nang hong itte hung in, nang hu in amate lungdam takpi hi.
Nang thu hong nite thupha na pia hi, TOPA awng; nangma itna in amate lum bangin sung hi.
Moses ii hong piak thukham na nit natu khua ngaisun hamtang tavun;
TOPA na Pathian it vun, ama ii deina bang ngamta vun, a thukhamte ni vun. Ama ii tungah thumaan vun, taciang ama atu na ngaisutna uh le na lungtang theampo uh taw sep sak vun.
Thuciam Thak
Mihingte kam tutuamte le vantung lalangte ii kam tuatuamte ngangawn ka pau thei hial zonghin, ki itna ka nei buale,
Ka paute sia zam nging daak nging bang bek ahi hi.
Pathian ii humop kamsaan theina nei a; thukuu theampo heakna le, mualte kikhiin sak zawk natu dongin upna nei ka leng ki itna ka nei bale,
Ka ki manna bangma a om bua hi.
Ka neisa na theampo pia siat in, ka pumpi ngangawn a kihallum tu dongin, ka pia ngam hial zong, ki itna ka nei buale,
Hite in bangma phattuamna hong pia bua hi.
Ki itna in thin uai a, dik hi; ki itna in, ki eenna nei ngawl a, kisuangtaak ngawl, kiphasak ngawl hi; ki itna in philphit ngawl, duhop ngawl, thintom ngawl hi;
ki itna in ngual mawna ciamtee ngawl hi. Ki itna in ngitlona thu ah lungdam ngawl hi, thumaan thu ah lungdam hi. Ki itna in thinkiam ngei ngawl a; upna lametna le thinsauna sung ah kip tawntung hi.
Ki itna in bo hun nei ngawl hi. Kamsaanna sia om ahihang tawmvei atu bek ahi hi; kam tumdangte pau theina letsongte zongh om ahihang bo tu hi. Heakna letsong zongh om ahihang bo tu hi.
Tu laitakin a taanglai thu thumte sia upna, lametna le ki itna hi a, hi teng sung pan a lianbel sia in ki itna ahi hi.
(*_*) =*=*=*=*=*= (*_*)
Comments are off this post