LYRIC
25 Nuntakna Thak (New Life)
Thuciam Lui
Mihing lungdam ih cite in mihing ngilote ii ngaisut piakna a nialte, mawneite ettee in a zui ngawlte, Pathian ii zak ngawlte taw a kizom ngawlte ahi hi.
Amate in Pathian Thukham zuina sungah lungdamna zong zaw uh a, tua thute sun taw zan taw ngaisun uh hi.
Amate in luihui ah a po thingkungte bang hi a,
A nga hun in nga a, a teete a vul ngeingawl hi. A sep a vawt theampo ah khangto uh hi.
Ahizong mihing ngilote in tabang hi vet ngawl a, vui ii let taangphaw taw kibang uh hi.
Mawneite Pathian in puavawk tu a, Pathian ii mite sung pan a tuam in khen tu hi. Thutangte TOPA in lam lakin dal a, ahizong a ngilote sia amate lalcip natu mun ah a pai uh hi.
TOPA in, Ka ngaisutnate no a taw kibang ngawl a, ka paiziate no a taw kilamdang hi.
Leitung panin vantungte a kikhua lat za in, ka paizia le ka ngaisut ziate sia no ii paizia le na ngaisutna ziate taw kikhuala hi.
Tu in ngai vun, ka mite awng, ka kungah hong pai tavun! ka kungah hong pai tavun tua hile nuntakna na nga tu uh hi!
Note taw kiciamna kho khat ka vawt tu a, David tungah ka kamciam sa thuphate kong pia tu hi.
Thuciam Thak
Mihing khat papo in Christ sungah a om le ama in mihing thak suak a; a nuntakna lui sia bo in a thak in hong piangzo hi.
Kei sungah hong om tavun, no sungah kong om tu hi. A baak khat nguak bek sia a nga thei bua hi; a ngui taw a kizop ciang bekin, nga thei hi. Tasia bangma in kei sungah nong om bua uh le a nga na nga thei batu uh hi.
Keima in sapitngui hi a, note in a baakte na hi uh hi. A kuama po in kei sungah hong om a, ama sungah kei ka om le ama in nga tam mama nga tu hi; banghangziam cile kei ngawl taw bangma na vawt thei batu uh hi.
A kuamapo kei sungah hong om ngawlte sia thingbaak bangin ki vawk in, kocip hi; tabang a baakte kitawm in meimang sungah kibum tu a, kaangtum tu hi.
Kei sungah nong om uh a, ka kammalte note sungah a om le tasia ciang na uuk papo nong ngen tu a, na nga tu uh hi.
A nga tam mamate na nga uh ciang ka Pa minthanna kilangh sak hi; taciang keima nungzuite na suak uh hi.
Ka Pa thupiak ni a, ama itna sungah ka kip bangma in, kei kong thupiakte na ni uh le kei itna sungah na kip tu uh hi.
Kong thupiak in hi thu ahi hi: keima ii kong it bangma in, khat le khat na ki it vun. A lawmte atu a nuntakna a piapa sangin, a lianzaw ki itna a nei kuama om ngawl hi.
(*_*) =*=*=*=*=*= (*_*)
Comments are off this post