LYRIC
29 Leitung Bup Pawlpi (Church Universal)
Thuciam Lui
Pathian awng, sazuk in luitui vot vakil a thangai bangin nang kong thangai hi. Nang a nungta Pathian sia kong dangtaak law hi.
Pathian in ih belna le ih thahatna ahi hi, ngimna hun sungah hong hun tu in a kinging sa in om tawntung hi. Tua ahikom leitung keak a ngawk ngawp a mualte tuipi thuk sungah a kisep hial zong;
Tuipite hawkin kitom a, mualte liing ngawp le zong ih lau batu hi.
Pathian khuapi a thiangtho a Saangbel Pa’ inn sungah lung damna a puak ngun khat a om hi.
Pathian in tua khuapi sungah om a, tua khuapi a lalcip ngei batu hi; zing khuavak tuungin a hu tu in ama hong pai tu hi.
Kisim kidona tawp vun a Pathian ka hi hunlam hong tel tavun, minamte ii tungsia le leitung ii tungsia a ukpi pa ka hi hi, ci hi.
TOPA in lian a ih Pathian khuapi sung le a mual thiangtho tungah nasia takin pok tu ahi hi.
Pathian awng, na Biakinn sungah, a tatsat ngawl, na itna ka ngaisun uh hi. Mun theampo ah nang hong kipok a, leitung theampo ah na minthanna kizel hi. Thu tang khen na taw nangma in na uk hi;
No vantung mite awng; TOPA pok vun, Ama minthanna le vaangletna pok vun.
A minthang TOPA min pok vun a, Thiangtho Pa hong kilangh ciangin a mai ah kunsuk vun.
Thuciam Thak
Note in kei sia akua hi nong ci uh ziam? ci in dongh hi. Simon Peter in zo a, Nang sia Messiah, a nungta Pathian Tapa na hi hi, ci hi.
Jesus in, John tapa Simon awng, nang sia mihing hampha khat na hi hi! Hi thutak sia mihing chi le sa sung pan nang tung a hong pai ahibua a, vantung a ka Pa kung pan in, hong kipia thu ahi hi, ci hi.
A maan takin kong ci ciang, Peter awng: nang sia suangpi na hi hi, taciangin, hi suangpi phungkawng tungah ka pawlpi ka phut tu a, thina ngangawn zongh in a zozo batu hi.
Vantungngam tawtangte nang kong pia tu a, leitung a na khate vantung ah kikhak tu a, leitung a na honte vantung ah kihon tu hi, ci hi.
Vanthak le leithak khat ka mu hi. A masa teng sia bo mang zo a, tuipi zongh bo hi. Mothak khat a pasal taw kimu tu in a kizep bangin vantung Pathian kung panin Khuapi Thiangtho ahi Jerusalem khua thak ah hong tuaksuk sia ka mu hi.
Kumpi tokhum panin awnging khat ka za a, tu in Pathian inn sia mihingte taw omkhawm zo hi! Pathian mama in amate taw omkhawm tu a, ama in amate Pathian ahi tu hi.
Amate mittang sung pan, thitui theampo nawl sak tu hi. Thina, heena, kaana le natnate a om nawn batu hi. Aluisa na theampo bo mang zo hi, ci hi.
Thaa le a mo thak in, Hong pai tan! hong ci hi. A zate theampo hong pai tavun ci tahen. A dangko theampo hong pai tavun a, nuntakna tui a dawn nuam peuma in a thong in dawn tahen!
(*_*) =*=*=*=*=*= (*_*)
Comments are off this post