LYRIC
30 Sungsang Thianthona (Inner Purity)
Thuciam Lui
TOPA mual tungah kuateng kaato thei tu ziam? Ama ii a thiangtho Biakinn sungah akua tum thei tu ziam?
Ngaisutna le ngamtatna a thiangtho te, milim a bia ngawlte tua ahibale a maan ngawl kamciam a vawt ngawlte pai thei tu hi.
Tabangte sia TOPA in thupha pia in hun tu hi; Pathian in amate sia maw ngawl hi, ci tu hi.
Pathian kungah hong pai, Jacob Pathian kung a zuan tu te sia, tabang mite ahi hi.
Lui thawthong thute bangtan vei thangai in leilot thute bang tan vei zong tu nu ziam? Na lam laknate ka kan a, na hilnate ka ngai sasunhi.
Na thukhamte sungah nop sakna ka nei hi; nong thupiakte ka mangil batu hi.
Khangno khat in ama nuntakna bangbangin a thiangtho in keamcing thei tu ziam?
Na thupiakte nitna taw keamcing thei tu hi.
Pathian awng, a tatsat ngawlna itna hu in kei hong hesuak tan, A lian na hesuakna hu in ka mawnate hong mel sak tan!
Ka mawna hong laakkeak sak tan, tua hile ka thiangtho tu hi, hong sil tan, tua hile vuuk sang ka paak zaw tu hi.
Pathian awng, ka sungah a thiangtho thin hong nguan tan a, a thak le a thumaan thinsung hong neisak tan.
Na ngupna tungtawn a hong pai thin nopna sia hong pia kik tan a, na thu a ni nuam tu in hong vawt tan. Pathian santhei sangaw biakpiakna in a ki tamzan thinsung ahi hi, Pathian awng, a ki tamzan le a kisiik kik thinsung na nial bua hi.
Thuciam Thak
Thaa thu ah a zawngkhal hunlam a kihete in, mihing lungdamte ahi hi; Vantungngam sia amate aa ahi hi!
A thum a taute in mihing lungdamte ahi uh hi! Pathian in amate heneam tu hi.
A kiniamkhiakte in mihing lungdamte ahi uh hi; amate in Pathian kamciamte a saang tu uh hi.
Ngilkial dangtaak bang a thumaan thutang sua nopna a neite in mihing lungdamte ahi uh hi; Pathian in a kicing lungkimna pia tu hi!
Ngual hesuak theite in mihing lungdamte ahi uh hi; Pathian in amate hesuak tu hi!
Thinsung thiangthote in mihing lungdamte ahi uh hi; amate in Pathian mu tu uh hi!
Kilemna a vawtte in mihing lungdamte ahi uh hi; Pathian in ka tate ci tu uh hi!
Thumaan thutang suana hangin vawtsiat a thuakte in, mihing lungdamte ahi uh hi; Vantungngam in amate aa hi tu hi!
Kei nungzui na hi uh hu in ngual in hong zawngsak hong vawtsia in, ngitlo leeilot thu a nanam taw mawna hong zong le mihing lungdamte na hi uh hi.
Na thinnuam sak vun, lungdam vun, banghangziam cile vantung ah na thaman saan tu hong kikoi sak sia lian mama hi. Taangh lai kamsangte zongh tabang ma in, na kivawtsia hi.
(*_*) =*=*=*=*=*= (*_*)
Comments are off this post