LYRIC
35 Nasep Ni (Labor Day)
Thuciam Lui
Ama in na theampo atu hun a lem tu in ciangtan hi.
Ama in maisang hong pai tu thute heak nopna thin hong pia ahihang,
Ama ii sep le vawtte a cingin hong tel sak ngei ngawl hi.
Tua ahikom ih nuntak laiteng ih lungdam tu le ih sep thei bang a pha bel ih sep tu ahi hunlam ka he hi.
Ih sep thaman taw ne in dawnin, ih nop sak tu ahi hi. Tasia in Pathian ii letsong ahi hi.
Tua ahikom ih sep thei a phabel sia ih sepsa tungah ih lungkim thei tu ahi sia ka phawk hi. Ih vawtthei dang bangma omngawl hi. Ih thi zawk ciang bang suak tu cisia ih heakthei natu lampi omngawl hi.
Mihingte in inn sa tu uh a, tua sungah teang tu uh hi tua innte sia kuama dang in zangh ngawl tu hi.
Amate in sapit huan vawtin a sapittui ne tu uh hi midang in neak sak ngawl tu hi.
Thingkungte bangin, ka mihingte khansau in nungta tu uh hi. Amate ii sep sa nate amate ma in lungdam takin ne tu uh hi.
A nasepna maa pai tu a, a tate in tua siatna thuak ngawl tu uh hi. Keima in amate le a suan a paalte a tawntung in thupha ka pia tu hi.
Thuciam Thak
Noma in paunak khat nei nu hi, ‘Tha li zawkciang anlaak hun hi tu,’ ci thei nu hi.
Ahihang lote phatak en vun; lo ante min zo a, laak hial tu bek in omzo hi! Anlapa sia thaman kipia a, ama in tawntung nuntak natu ante kaikhawm hi; tua ahikom ancii a tu pa le anlapa lungdam khawm tu hi.
‘Mihing khat in thaitu a, a dang khat in anla hi,’ ci paunak sia thumaan hi.
No ii sepna sa ahi ngawl lote sungah anla tu in hong pai sak khi hi; ngualdangte in tua munah seam uh a, taciang in no sia amate sepna tung panin a meet na nga uh hi, ci hi.
Ko ngamtat bang na ngamtat tu sia, noma ma in na heak uh ahi hi. Note taw ka om uh lai in kote sia datham ngawl khu hi.
Manh piak ngawlin kuama tung pan huna saang ngawl khu hi. Tua hi ngawl zaw in, naseam a, diang khu hi; note khat po atu in supna zanna ka hi ngawl natu in a sun a zan in ka seam tan uh hi.
Note taw ih omlai in, Na seam nuamngawl peuma an ne sak ngawl tu hi, kong ci uh hi.
Hi bangin kongci theina uh sia, no sungah mihing pawlkhat datham a, ngual ngamtatna kamkum in, nawngkaai sak hi ci in ka za uh hi.
Sun hun laiteng in kei hong sawlpa na ih seam tu hi; zan hong theng le kuama in naseam thei ngawl hi.
Tua ahikom na pha sepna sungah toi kisa ba tawng; banghangziam cile thinkiam ba po leang ih anlaak tu hun hong theng tu hi.
(*_*) =*=*=*=*=*= (*_*)
Comments are off this post