LYRIC
37 Ciimna (Wisdom)
Thuciam Lui
Ngunte a kitawna munah khukte om a, khamte a kithian sakna munte om hi. Mihingte in thik sia lei pan to uh a, taciang suang panin tausan tui sak hi.
Thaw ante leitangh pan piang hi; Ahihang tua leitangh nuai ah Na theampo kilaikeak in kisutham hi.
Leisung suangte ii sungah suangmanpha vomte om a, a leivui sungah kham om hi.
Ahihang ciimna koisung ah kimu thei ziam? Telthiam theina koisung ah ih sin thei ziam? Ciimna sia mite sungah om ngawl hi. Kuama in a manphatna tatak he ngawl hi.
Tuipi liante le tuipi note ii thukna in tua munah ciimna om ngawl hi ci uh hi. Ciimna sia ngun le kham taw kilei theingawl hi.
Tua ahile, ciimna ii naak sia koisung ziam? Koisung ah teltheina kisin thei ziam? A nungta nganhing in tua ciimna mu thei ngawl hi. A leang vacim khat zongh in mu theingawl hi.
Pathian bek in tua lampi he hi. Ama in ciimna a kimuna mun he hi. Banghangziam cile ama in leimongte dong mu a, van ii nuai ah a om na theampo mu hi.
Pathian in Na ciim natu uh in, Topa zakta tu nu hi. Na heak thei natu uh in siatna pial tu nu hi, ci hi.
Thuciam Thak
Ahihang note khat po in, ciimna na kisamh uh le, ama in a pia tu pa, Pathian tungah thu ngen tahen; banghangziam cile Pathian in ngo tatak le thuthiam takin, a vekpi tungah pia hi.
Ahihang thu na nget uh ciangin, na up tu kul a, up laakna na nei ngawl het tu uh kisamh hi. Uplaakna a nei khat papo sia, tuipi tungah vui ii seam kakoai tuihual taw kibang hi.
Tabang mihing khat, a sepna po ah a thin a khensat thei ngawl khat sia in, Topa tung pan bangma nga tu in ki ngaisun heak hen.
Tua ahikom, kei kammal hite za a, a zaak uh bang a seamte sia, suangpi tungah inn sa mihing ciimpa taw kibang hi.
Nguazu in khuanawl hong suak a, taciang tua inn sia vuipi in a nawmngawp hi, ahihang tua inn sia a puk bua hi, banghangziam cile tua inn sia suangpi tungah a kisak hang ahi hi.
Ahihang kei kammal hite za napi in, a zui ngawlte sia senneal tungah inn sa mihing mawmaw pa taw kibang hi.
Nguazu in, khuanawl suak a, vui in hong nawmngawp ciang, tua inn cimtham hi. Tua in a lauhuai puuna ahi hi!
‘Topa, Topa’ hong ci theampo Vantung ngam sungah a tum siat batu hi, vantung ah ka Pa deina bang a ngamtate bek tum thei tu hi.
(*_*) =*=*=*=*=*= (*_*)
Comments are off this post