LYRIC
41 Neisa Kepna (Stewardship)
Thuciam Lui
THUCIAM LUI Vantung Pathian TOPA bia tu ka pai ciang ama atu bangteng keng tu khi ziam? Biakpiakna a hal tu khuino phabelte keng tu khi ziam?
Hi ngawl hi TOPA in thupha hong son zo hi. Ama ii ei tung pan hong tangkalh sia hi sia hi: thutang seam tu, ki itna kho lak tu le ki niam khiak in ih Pathian taw kipawl khawmin nuntak tu ahi hi.
Note maiah na pu na pate bangma in ka thukhaamte pan na puapial uh a, na zui bua uh hi.
Kei kungah hong heak kik tavun, tua hile kei zongh no sang kong nga tu hi. Ahizong Nang sangah bang bangin hong heakkik tu khu ziam? ci in nong dongh uh hi. Tua ahile, mihing khat in Pathian a theam tu sia a kilawm ngawl hi napi in kei nong theam uh hi.
Bangbang in maw? ci nu hi. Sawm a khat le sumpi piakna sungah, hong theam nu hi.
Note minam buppi in kei nong theam uh hi. Biakinn sungah an tam mama a om thei natu in sawm a khat a cingin hong paipui tavun. Ka kungah hong sin tavun, vantung khelkite kong hon tu a, na pha namcinte kicing takin kong buaksuk na mu tu uh hi.
Lungnote in na lo ante a lal sak batu a, na sapit nguite sapit nga taw kidim tu hi.
Taciang, na ngam uh sia ten natu in leitangh pha hong suak tu ahikom minam theampote in mi nuamsate hong ci tu uh hi.
Thuciam Thak
Letsong saan a tatuamte Pathian ii thu thiamna hong piak taw kizui in ih zangh tu hi.
Ih letsong sia Pathian thupuakte son natu ahile upna ih neiza taciang taw ih son tu hi.
Sep sak natu ahile zong ih sep sak tu hi. Hil natu ahile ih hil tu hi. Ngual hanthot natu ahile tabangma in ih seam tu hi. A neisa ngual a hawmte in ngo takin hawm tu hi.
Thuneina neite in nasep hanciam tahen a, ngual tungah cikna thepna a zanghte in maitai takin zangh tu hi.
Thaicii tawm a poaite in tawm bek at tu a, tam a poaite in tam mama a at tu hi, ci in na phawk tavun.
Mihing sim in ama khensat sa om bangin pia tu a, thinnop ngawlna le hazatna taw pia ngawl tu, piak nanak kul tu bang a, ngaisutna taw pia ngawl tu hi. Banghangziam cile lung dam thinzo takin a pia sia Pathian in diksa hi.
Thu umte sia pawl sungah thin khat lung khat sa in, om uh hi. Kuama in kei aituam neisa hi, a ci om ngawlin, a neisa uh theampo khat le khat kihawm uh hi.
Amate pawl sungah kitaangsapna a nei kuama a om bua hi. Lo neite le inn neite in, zuakin a nga uh sumte paipui a, sawltakte tungah aap uh hi. Taciang, tua sumte mihing sim in, a kisapna uh bangin, hawm tek uh hi.
(*_*) =*=*=*=*=*= (*_*)
Comments are off this post