LYRIC
42 Khat le Khat Ki Itna
Thuciam Lui
Ka kammalte hong ngai tan a ka huisaknate hong za tan, TOPA awng. Hu ngenin ka auna aw hong ngai tan, ka Pathian le ka kumpipa awng!
Na tungah thu hong ngen khi hi. Na tungah thu kong ngen hi, aw, TOPA , ziingsangin ka aw nong za hi; ni sua ciang kong ngetnate na mai ah kong lui a, nong zo tu kong ngak hi.
Banghangziam cile nang sia ngilo khansiatna a dei Pathian na hi bua hi; nang omna munah ngitlo nate na oai bua hi.
Ahihang kei sia a lian nong itna hangin na inn sungah kong tum thei hi,
Na Biakinn thiangtho sang nga in nangma ciliapna taw kong bia tu hi.
Nangma in kei hong hungpa le hong dalpa na hi a; na kamciam sungah lametna ka nei hi.
Kei kung panin tai vun, no, mawnei mite awng. Ka Pathian thupiakte ka ni tu hi. Nong itna in tatsat ngawl ahikom hong za tan, TOPA awng; nong hesuakna hong lak tan a, ka nuntakna hong kepcing sak tan.
A nuamin na nungta nuam uh ziam? Khansau in lungdamna na dei uh ziam?
Thuciam Thak
A kipat pan a na zaak uh thu in: eite khat le khat ih ki it natu ahi hi.
Ka it lawmte awng, eite khat le khat ki it tawng, banghangziam cile ki itna in Pathian kung pan hong pai hi. A it thei sia in Pathian ta hi a, Pathian he hi.
A it thei ngawl peuma in Pathian a he bua hi, banghangziam cile Pathian in ki itna ahi hi.
A kuama po khuavak sungah ka om ci napi a, a suapuipa a ensan le ama in tu dongin khuazing sungah om ahi hi. Khat po in Pathian ka it hi ci napi in a suapuipa a ensan le ama in leeilot thuson pa ahi hi.
Banghangziam cile a mu thei a suapuipa a it bale a mu theingawl Pathian a it thei batu hi.
Leitung ahizong leitung na khat papo ahizong na it heak vun. Leitung nate na it uh le Pa it ngawl na hi uh hi.
Tua ahikom suapuite awng, leitung in note hong ensan le, lamdang na sa heak vun.
Eite in ih suapuite it ih hi komin, thina nusia in, nuntakna sungah thengzo ih hi hunlam ih he hi. Ki itna a nei ngawl sia in thina vaang letna nuai ah om lai hi.
A lawmte atu a nuntakna a piapa sangin, a lianzaw ki itna a nei kuama om ngawl hi.
Kong thupiak in hi thu ahi hi: keima ii kong it bangma in, khat le khat na ki it vun.
(*_*) =*=*=*=*=*= (*_*)
Comments are off this post