LYRIC
51 Leitung Hunpa
Thuciam Lui
Eite atu nausen khat hong suak hi! Ei atu tapa khat hong kipia hi! Taciang ama in eite hong ukpa hi tu hi.
Ama sia, Lamdang, Thu lakpa Vaanglian Pathian, Tawntung Pa, Kilemna Kumpi Tapa, kici tu hi.
Ama khan sungah thutanna khangto tahen a, khantona sia tha in khuavak a piak lai theampo in om tahen.
Kumpipa a kici theampo in ama mai ah kun tu uh a; minam theampo in ama atu sep sak tu uh hi.
Ama a ko mizawngte theampo le a cimaw a kingaingonte theampo sia ama in suakta sak hi. Ama in amate sia kizawthawkna le ngoltolna panin suatak hi; amate nuntak sia ama atu in manh nei hi. Ama atu in thungetna a tawntung kivawt tahen; Pathian thupha ama tungah om tawntung tahen!
Israelte Pathian, TOPA pok vun! Ama bekma in hi na lamdangte seam hi.
Ama min tuanngen sia a tawntung in pok vun! Ama minthanna in leitung bup ah dim tahen.
Jerusalem awng, minamte theampo in na ngalzawna hong mu tu uh hi! A kumpite theampo in na minthanna mu tu uh hi. Nang sia TOPA ama vateak ii hong phua min thak khat taw hong kisam tu hi.
Nangma in TOPA atu a hoi kumpi lukhu khat taw na kibang tu hi.
Ama min tuanngen sia a tawntung in pok vun! Ama minthanna in leitung bup ah dim tahen.
Thuciam Thak
Banghangziam cile Vaanglian Pathian in kei tungah nasep lian hong sep hu ahi hi. Ama min thiangtho hi;
Ama in tapa khat hong hing tu a, ta ciangin a min sia Jesus ci in na phuak tu hi. Banghangziam cile ama in a mite mawna pan a hun tu hi, ci hi.
Moses ii taungo ngul sia senneal ngamsung thingkhuam tungah a khai bangin Mihing Tapa zongh kikhai tu hi,
A kuama po Tapa a umte in, tawntung nuntakna nei hi;
Banghangziam cile Pathian in a Tapa sia thukhen tu in, hi leitung ah hong pai sak bua a, ngumpa tu in hong pai sak hi.
Pathian in a Tapa a um mihing theampo thi ngawlin nuntak tawntungna a nga natu in, khat bek a nei a Tapa hong piak dongin leitung mihingte hong it hi.
Ngutapa ahile a ngu tu, a that tu le a lalcip sak tu bekma in, hong pai hi. Kei kong paina sia, nuntakna na nga natu uh le a kicing nuntakna na nga natu uh ahi hi.
Mihing Tapa sia a bo a mangte zong tu le a ngum tu in hong pai hi, ci hi.
Mihing Tapa sia mawneite khut sungah ki aap in, thinglamtee tungah kithat tu a, a ni thum zawkciang in nuntakna sungah hong thoto kik tu hi, ci hi.
Taciang ama min taw kisiik kikna le mawmai sakna sia Jerusalem pan kipan minam theampo tungah kihil tu hi.
(*_*) =*=*=*=*=*= (*_*)
Comments are off this post