LYRIC
40 Christian Nasepna
Thuciam Lui
Mualte kantan in, thuphate, kilemna thute puak a hong pai kamtaipa ih mu tu sia lamdang lalawm hi! Ama in ngalzawna thang sak a Zion tungah, Na Pathian sia kumpi ahi hi! ci hi.
Khuapi a cingte au uh a, lungdam in au tek uh hi. Zion ah TOPA hong heak kik sia amate in a mit tek taw mu thei uh hi. A kisia Jerusalem awng, lungdam in au vun! TOPA in a khuapi suatak tu a, a mite heeneam zo hi.
Vaanglianpipa TOPA in a thaa taw kei hong dim zo hi.
Mizawngte tungah lungdamna thupha puak tu, Thin kitamthamte a dam sak tu, A kimante suatak tu le thong sungah a kikhumte suatak natu thupuak tu in Ama in kei hong teal zo a hong puakzo hi. TOPA in a mite a ngupna tu hun le A ngalte a zaw tu hun hong thengzo hi ci sia thang sak tu in kei hong sawlzo hi.
Zion ah a om a khuangai mite tungah Thin ngimna luangin thinnopna, le lungdamna, heena luangin pokna la khat puak tu in kei hong pai sak hi.
Amate sia TOPA mama ii suan sa Thingkungte taw kibang tu uh hi. Amate theampo in a maan seam tu uh a, Pathian sia ama ii sepnate hu in kipok tu hi.
Note sia TOPA ii thiampite, Ih Pathian ii naseamte hong kici tu hi.
Note in minamte haunate na nop sak pui tu uh a, Note in amate ii hauna sia noma hauna ahi
Thuciam Thak
Lai Thiangtho ci bangma in Topa tungah huna a ngen theampo kingum tu hi.
Ahihang ama a um bua uh le bangbangin huna ngen thei tu ziam? A thupha puak sia a za bua uh le, bangbangin um thei tu ziam?
A thupha a kithang sak bale bangbangin za thei tu ziam? Thuhil tute a kipai sak bale a thupha bangbangin kithang sak thei tu ziam?
Lai Thiangtho ci bangma in, Lung damna thupha puak a hong paite peang sia bangza in etlawm ziam?
Tua ahikom upna in a thu zaakna pan piang a, a thu zaakna in, Christ ii thu hilna pan piang ahi hi.
Banghangziam cile a mangthang mihingte atu in thinglamtee tungah Christ ii a thina thu in, luithathong thu ahi hi, ahizongin ngupna a nga eite atu in Pathian vaangletna ahi hi.
Lungdamna thupha sungah a kicingin muanna ka nei hi; tua in a umte theampo ki ngup natu Pathian vaangletna hi a Jew mite atu hi photin, tua zawkciang Gentilete atu zongh ahi hi.
Lungdamna thupha in Pathian le mihingte sia bangbangin kilem zawng thei tu ziam ci in hong lak hi: a patna panin a tawp dong upna tungtawn in a piang ahi hi. Lai Thiangtho sungah Upna tungtawn in Pathian mai ah thutang kisuak sak pa in a nungta tu hi, ci hi.
Eite atu in a kithat Christ thu ka thang sak uh a, tua thu sia Jewte atu in a maktaak huai thu le Gentilete atu in a luithathong thu ahi hi;
Ahizong Pathian ii sapsa Jewte le Gentilete atu in hi thu in Pathian vaangletna le Pathian ciimna ahi Christ ahi hi.
(*_*) =*=*=*=*=*= (*_*)
Comments are off this post