LYRIC
18 Hanna (Courage)
Thuciam Lui
Joshua awng, na nuntak lai teng nang sia kuama in hong zo zo ngawl tu hi.
Moses ka ompui bangma in nang kong ompui tu hi. Nang taw a tawntung in kong omkhawm tu hi; nang kong nusia buatu hi.
Thin takkha in a kimuang in, banghangziam cile a pute a pate tungah ka kamciam sa leitanghte a lua uh ciang hi mihingte ii lampui pa na hi tu hi.
Thin takkha in a kimuang in, ta ciang ka naseampa Moses ii hong piak thukham a buppi in na ni vun.
Tuate khat zongh na ngaingon heak vun, tua hi le na paina theampo ah zawna na nga tu hi.
Thin takkhana le kimuanna nei tu in kong thupiak sia ciamtee in. Lau heak in a, thinkiam heak in, bang hangziam cile Kei, TOPA na Pathian sia na paina theampo ah nang taw hong omkhawm khi hi.
Ka pa le ka nu in hong nusia thei tha tu hi, ahihang TOPA in kei hong keam tu hi.
TOPA awng, nong sep sak nop thute, hong hil tan, Ngal tam mama ka nei hu in, ngam muanhuai lampi ah lam hong pui tan. Leeilot thu le tawnna taw hong lauthawn ka ngalte khut sungah hong nusia heak in.
TOPA muang in, upna nei in, thinkiam heak in. TOPA muang in ngak in!
Ngupna hong pia TOPA awng kei hong puavawk heak in a, hong taisan heak in. A nungtate ngam sung ah TOPA phatna mu lai tu ci in ka kihe hi.
Thuciam Thak
Pathian ei sangah hong pang le akua in eite hong langpan thei tu ziam? Christ ii eite hong itna panin, akua in hong khen thei tu ziam?
Ngimna, haksatna, vawtsiatna, ngilkialna, zawnna, lau huaina, thinate khat pawpo in, hong khen thei tu ziam?
Hong itpa tungtawnin eite in hi thute theampo sungah a zo belte ih hi hi!
Ama hong itna panin, bangma in hong khen theingawl tu hi; leitung a saangbelna mun ahizong, leinuai a thukbelna mun ahizong, bitphua sa a minpiang bangma in,
Ih Topa Jesus Christ sungah ih neisa ahi Pathian hong itnataw hong khenzo a om batu hi.
Christ Jesus ii a nei thinpuak na nei tavun. Ama in Pathian pian zia nei nginge a, ahihang Pathian taw kikim natu in zawthawk thu zangh ngawl hi.
Tua hi ngawl zaw in ama hantang in a neisa theampo nusia in naseampa lim la hi. Ama in mihing bangin piang a, mihing lim in kilangh hi. Ama in kiniamkhiak a, a thi natu thinglamtee tung dongah thina lampi tawn hi.
Hi thu hangin Pathian in ama sia a saangbelna ah laamto a mindang khat papo sangin a lianzaw min pia hi. Pa Pathian vaangliatna a kilangh sak natu in nuntakna a nei theampo in khupdin tu uh hi. Jesus Christ sia Topa hi ci in, leei nei theampo in thang sak tu uh hi.
(*_*) =*=*=*=*=*= (*_*)
Comments are off this post