LYRIC
38 Hauna Maan (True Riches)
Thuciam Lui
Tua mihing ngilote in a hauna uh muangin a neisate uh, a ki phatsak pui hangin ka kiita batu hi.
Mihing khat in ama le ama kitan thei ngei ngawl hi; a nuntakna ii manh Pathian tungah lo zo ngei ngawl hi.
Mihing mamawte le a ciim ngawlte bangma in mihing a ciimte ngangawn zongh thi hi ci in a kuama theampo ii mu ahi hi. Amate in a hauna uh sia asuan apaalte nusiat uh hi.
Mihing khat a hau ciangin patau heak vun, ama haunate a khan saseam ciang zong na thintoi heak vun;
Ama in a thi ciangin keng thei tuanngawl hi; a hauna sia thaan ah tonpui thei ngawl hi.
Ngoltolna sungah na thin muanna uh koi heak vun; sutolna taw meetna bangma nga tu in ki um heak vun; na haunate a khangto hialta zongin tuate suang heak vun.
Keima in Pathian bek ka suang a; ama sungah ka lametna ka koi hi. Ama bekma in hong sungsia a, hong hun hi; ama sia kei hong hung pa hi a, kei hong kizo thal ngei batu hi.
Kei hong kihukna le ka minphatna sia Pathian tung bek ah om hi; ama in a thahat kei hong sungsia pa ahi hi; ama in ka buhna ahi hi.
Ka mihingte awng, Ngai vun, hong son tu khi hi; Israelte awng, nang langpan in tetti in pang tu khi hi, kei sia note Pathian ka hi hi. Dui sungah nganhing theampo keima aa hi.
Ngimna hong pai ciangin hong ko tavun. Nang kong hun tu a kei nong pok tu uh hi.
Thuciam Thak
Nungzuite in hi kammalte sia lamdang mama sa uh hi, ahihang Jesus in, Ka tate awng, Pathian Ngam sungah tum tu sia, bangza in haksa ziam!
Sumhau khat ii Pathian ngamsung a tum tu sia, kalauh khat ii phin bilvang sungah a tum tu sangin haksa zaw hi, ci thua hi.
Hi bang a ci ciang, nungzuite lungmang saseam a, khat le khat in, Tua ahile akua ngupna nga thei tu ziam? kici uh hi.
Jesus in amate tangtan in en a, Mihingte atu hi sia suak theingawl hi, ahihang Pathian atu in suak maw ngawl hi. Pathian atu in na theampo suak thei hi, ci hi.
Jesus in, Hi hi, khat papo in inn ahizong, suapuipate ahizong, suapui numeite ahizong, nu, pa, tate le lote ahizong, kei hang le Lungdamna Thupha hangin a nusia le,
Ama in hi khang hun sungah tam zaw sin nga tu hi. Ama in innte, suapuipate, suapui numeite, nu, pa, tate le lote sia a za za khat tam zaw in nga tu hi, siatvawtna zongh thuak tu hi, taciang hong pai pheang tu hun sungah nuntak tawntungna nga tu hi.
Na nei na lam uhte, nget ii neak tu, a eakseau tu le ngutate in phuul a, a nguk theina, leitung ah noma atu in khol heak vun. Tua hi zaw ngawlin, na nei na lamh uhte, nget neak theingawl, eakseau theingawl ngutate in phuul a, a nguk theingawlna, vantung ah nakhol vun.
Ih Topa Jesus Christ sia hau mama napi in; ama zawnna taw note a hau na suathei natu in note hangin a zawngin hong kivawt ama thu thiamna sia na heak uh ahi hi.
(*_*) =*=*=*=*=*= (*_*)
Comments are off this post