LYRIC
49 Jesus Hong Pianna
Thuciam Lui
TOPA in, David suan sung pan thumaan khat kumpi tu in ka teal tu hun hong theng tu hi.
Tua kumpipa in ciimna taw ngam uk tu a thumaan thutang taw in a ngam buppi uk tu hi. A mite a uk natu in TOPA ii thaa in ama sia Ciimna pilna le heakna pia tu hi. Ama in TOPA deina he in zatakna nei tu a, TOPA thunitna sungah nuamsa tu hi.
Ama in mit taw muna le nakheng taw zaakna bangin thukhen ngawl tu hi; ama in mizawngte thumaan in thukhen a, hu tu nei ngawl mite a maan bangin panpui tu hi. Ama thupiak bangin mite daan kipia in, mi ngilote thi tu uh hi.
Ama in a mite thumaan thutak taw uk tu hi.
TOPA in, A tha ka hat sak ka naseampa sia hi sungah om hi, Keima in ama tealin, ka lungkim hi.
Ka thaa taw ama ka dimhzo a, minam theampo tungah thumaanna puak tu hi.
Ama in pumpa kungkoai khat thiaktan ngawlin, lalciin meitaang phe valep sia mit sak ngawl tu hi. Ama in mihing theampo tungah a kip thutanna theng sak tu hi.
Ama in thinkiam ngawl tu hi; leitung ah thumaanna piang sak tu hi. Akhuala ngamte in ama ii thuhilna ngakla uh hi, ci hi.
Thuciam Thak
Elizabeth naungil a om zawk tha luk a cin ciangin vantung lalang Gabriel sia Galilee ngam Nazareth a kici khua khat ah Pathian in pai sak hi.
Vantung lalang in, Mary awng, lau heak in. Nang tungah Pathian hong thuthiam mama zo hi.
Nangma in nau na paai tu a, a sua ciang a min Jesus ci in na phuak tu hi.
Ama sia hong thupi tu a, a Saangbel Pathian ii Tapa kici tu hi. Topa Pathian in a pu David bangma in kumpipa suak sak tu hi.
Taciangin ama sia Jacob ii suan, a tawntung a maang kumpi hong hi tu a, ama ngam sia bo hun neingawl tu hi, ci hi.
Pathian ka Hunpa hangin ka thaa lungdam hi. Banghangziam cile ama in kei a niam a naseam nu hong phawk hi.
Tu a kipan mihingte in, thupha saangnu hi hong ci tu hi.
Banghangziam cile Vaanglian Pathian in kei tungah nasep lian hong sep hu ahi hi. Ama min thiangtho hi; khang khat pan khang khat, Ama a patoaite tungah hesuakna pia hi.
Ama in kumpi liante sia a tokhum uh panin khiasuk a, a niamte laamto hi.
Ama in Abraham tungah hesuakna a piak tu in a ciam sate, a suan a paal theampo tung dong ah piak tu in, a tawntung in phawk hi.
(*_*) =*=*=*=*=*= (*_*)
Comments are off this post