LYRIC
59 Kiim le Paam Kepcinna
Thuciam Lui
A kipatcil in Pathian in vantung le leitung bitphua hi.
Taciang Pathian in tui sia nganhing nam tatuam tam mamate taw kidim hen a, Vui sia vacimte taw kidim he, ci in, thupia hi.
Taciang Pathian in Ama liim le meal sun in mihing pasal le mihing numei bitphua in note tam tatak na pha vun a leitung tengah dim in na zo vun. Tuipi sung ngasate ahizong, vantung a vacimte ahizong, nuntakna nei a, leitungah a teang ngahing theampote tungah ahizong thu neina nei tavun, ci in, thu a piak zawk ciangin amate thupha pia hi.
Taciangin Pathian in mipa la in Eden huan keam tu, cingtu, puapha tu in koi hi.
Pathian in ama ii bitphuasa theampo a et zawk ciangin hoi mama a hi hunlam mu hi.
Vantung sia Pathian bek ii neisa ahi hi, Ahihang simlei sia mihingte atu hong kipia hi.
Lei le van awng lungdam vun! Tuipi awng, na sungah a om nganhing teng taw au vun; lote awng, na sungah a om teng taw lungdan vun! Duisungah a om thingkungte in, leitung uk tu in Topa hong pai ciang, Lungdam in au tu hi.Ama in leitung mite sia thumaanna le thutang taw a uk tu hi.
Lebanon taamthing na phuktham uh a; tu in noma hong kipuk tan tu hi. A ngamsa ten a that uh a, tu in tua ngamsate in hong lausak tu hi. Hi thu hong piang tu hi, bang hangziam ci le leitung le a khuapite tungah na ngongtat n ate hang le tualthana uh hang ahi hi.
Khuapi khat nalaak nop uh ciang hun tam mama sung na kiim uum ta uh zong a thingnga kungte phuktan heak vun. Thingnga ne vun a, a kung mon heak vun, a kungte sia na ngalte uh hi ngawl hi.
Vacim le ngahingte zongh in note hong hil thei tu thu tam mama nei hi. Leitung le tuisung ngahingte tung pan in a ciimna ngen in.
Thuciam Lui
Pathian vawtsa na thempo in Pathian tate hong kilak tu kal ngakla in lawp mama uh hi.
Pathian vawtsate, amate uk thu taw hi ngawlin siatna a thuak tuin Pathian mama in a ngaisutsa ahi hi. Ahizong lametna om lai hi.
Pathian vawtsate, nikhat ni ciangin muat thei natu panin suakta in Pathian tate taw a nuam suaktakna a nga khawm tu uh hi.
Tuun ciangdong Pathian vawtsa theampo nupi nausuaktu bangin na sa in atauna ih he hi.
Jesu in thusonteena dang khat son a, “ vantung ngam thu sia Pasal khatin a lo sungah thaici pha poai hi.
Zan khat ciang, ngual theampo ih mut lanin, a ngalte khat hong pai a, tangkungte ihkawmah mimphei ci tuu in nusia hi.
Akungte po ina huite lua tuin a kipat ciangin, mimpheite kilangh hi.
Lo neipa naseamte hong pai a, ‘Topa awng, lo sungah na poai thaicite thaici pha veu hi kana ngawl ziam?, koisung paan mimpheite hong piang ziam?’ ci uh hi.
Ama in, ‘ ngalte pawl khat ii ngamtatna hi,’ ci in zo hi.
Ka neisa theampo pia siat in, ka pumpi ngangawn a kihallum tudongin, ka pia ngam hial zong, itna ka nei bale, hite in bangma phattuamna hong pia bua hi.
Keima in Sapit ngui tatak ka hi a, Ka Pa in huan neipa ahi hi.
Ama in kei sungah a nga ngawl baak theampo thiaktan tu a, nga a nga baak theampo a thiantho natu le tamzaw anga thei natu in heu tu hi.
(*_*) =*=*=*=*=*= (*_*)
Comments are off this post