LYRIC
45 Kilemna (Peace)
Thuciam Lui
TOPA hong nai laitakin ama kung zuan vun a, ama tungah thungen vun.
Mi ngilote in amate ii nuntakna zia nusia tahen a, a ngaisutna siate kheal tahen. TOPA ih Pathian kung amate in zuan tahen; TOPA in hong hesuak thei a, khialnate hong mai sak siat hi.
TOPA in, Ka ngaisutnate no a taw kibang ngawl a, ka paiziate no a taw kilamdang hi. Leitung panin vantungte a kikhualat za in, keima paizia le ka ngaisut ziate sia no ii paizia le na ngaisutna ziate taw kikhuala hi.
Minamte kilaklaw, a nai a khuala a vaangliante kilaklaw a, a kitu thute ama in lemtua tu hi. Amate in a namsaute lothawna in seak tu a, a teipite thingbaak heuna nam sua tu hi. Minamte ngal kido kik nawn ngawl tu a, ngal kido kik tu in kingingta nawnngawl tu hi.
A sapit huan le a theikung sungah mihingte theampo kilem in teang tu hi, tuaciang kuama in ama lau sak ngawl tu hi. TOPA Vaanglianbelpa in hi kamciam piazo hi.
Minam simin amate tek ii pathian bia in a thu ni uh hi. Ahihang eite in TOPA ih Pathian a tawntung a tawn tung ih bia tu a, a thu ih ni tu hi.
Keima in leithak le vanthakte ka vawt hi. Nungsang hun a thupiangte kimangil siat tu hi.
Ka bitphua sa sungah lungdam thinnuam in om tawntung vun. Ka vawt sa Jerusalem khuathak sia thin nopna taw kidim tu a, a mite lungdam tu uh hi.
Thuciam Thak
Thukham hil sya khat hong pai a Jesus sia aitaa nuam a, Sya awng, tawntung nuntakna ka nga natu in bang ka vawt tu ziam? ci in dongh hi.
Tuapa in zo kik a, Na Topa Pathian sia na thin theampo, na thaa theam po, na thahatna theampo le na ngaisutna theampo taw na it in. Taciangin nangma le nangma na ki it bangma in, na innpaamte na it in, ci hi.
‘Mittang khat luang mittang khat, hatang khat luang hatang khat, ci thu na zaak sa uh hi.
Ahihang kei kong cina pan: no tungah hong khialte na thuh kik heak vun; khat po in na biangkho ziatsang hong beang le na biangkho veisang zongh na ngat vun.
‘Na lawmte it vun a, na ngalte ensan vun, ci thu na zaak sa uh hi.
Ahihang kei kong cina pan: na ngalte it vun a hong siatvawtte atu thunget sak vun. Vantung a na Pa tate na suathei natu in, tabangin ngamta vun.
Leitung ah kilemna puak tu in hong pai hi ngawl in namsau khat puak tu in hong pai hi zaw khi hi.
Tua zawkciang Jesus in a nungzuite munah, Khat po in kei hong zui nuam le ama le ama kinial in, a thinglamtee pua in, ka nung hong zui tahen. Mihing khat in leitung theampo a nga hangin, ama nuntakna a taan le bang meetna nei tu ziam?
(*_*) =*=*=*=*=*= (*_*)
Comments are off this post