LYRIC
46 Lungdam Kona (Thanksgiving)
Thuciam Lui
TOPA pok vun! Ih Pathian tungah, pokna la sakna sia pha hi; ama pokna sia nopci a maan hi.
TOPA in Jerusalem thaksua kik a, ngamdang a beal saltangte hong ciapuikik hi.
Ama in thin kitamthamte dam sak a, a liamma uh tuam sak hi. Ama in aksite a phak za tu sep a, khat simin min vaw hi.
A lian a thakho sia in eite TOPA hi a; ama ciimna in kitee thei ngawl hi.
TOPA pok vun! Ih Pathian tungah, pokna la sakna sia pha hi;
Na muanna uh sia mihing lampuite tungah koi heak vun; mihing kuama in no hong hun thei ngawl hi.
TOPA tungah pokna la sa vun, Ih Pathian tungah tengtong tum vun!
TOPA pok in, Jerusalem awng! Na Pathian pok in, Zion awng! Ama in a mite tungah thupuak a, lamlakna le thukhamte Israel pia hi.
TOPA hong nai laitakin ama kung zuan vun a, ama tungah thungen vun.
Topa tungah na khat ka ngen a, ka dei khat bek a om hi; ka nuntak sung tawntung TOPA inn sungah teang a, ama phatnate et tu le lam hong laknate nget tu ahi hi.
Thuciam Thak
A tawntung in lungdam vun, thungen tawntung vun, na theampo sungah lungdam kona na zangh vun.
Christ Jesus taw kikop a, na nuntak sungah Pathian hong deisak thu sia hi sia ahi hi. Lai Thiangtho sungah psalm late, biakna late le a thiangtho late ii kammalte taw na ki paupui tavun; biakna late le psalm late sa in, na thinsung theampo taw Topa pok vun.
Topa Jesus Christ min taw na theampo atu in Pathian ahi Pa tungah a tawntung in lungdamna ko tavun.
Note atu in Pathian tungah lungdam ka ko tawntung a, taciang thungetna sungah na min kong lo tawntung uh hi.
Na upna uh na zakzia uh le, itna na nei uh hu a, nasia takin na nasepna uh, ih Topa Jesus Christ sungah na lametna uh a kipzia sia ih Pa Pathian mai ah kong phawk uh hi.
A manh a kisep zo ngawl letsong hong piak hu in Pathian tungah lungdam ko tawng!
Ahihang Topa Jesus Christ tungtawn in zawna hong pia Pathian tungah lungdam ih ko hi!
Christ ii thinnopna hong piak sia bang tu ziam cile na thukhensat nate sungah lam hong lak tu in, hong piak ahi hi. Banghangziam cile hi thin nopna sia note theampo pumkhat sungah na omkhop natu in Pathian hong sapna thubul ahi hi.
Christ hong thupiak theampo na thinsung uh ah hong teang tahen. Khat le khat ciimna theampo taw kihil kilak tavun.
Psalm late, pokna late le a thiangtho late lungdam kona in Pathian tungah na sa vun. Nasep, na son uh theam pote hu in, Pa Pathian tungah lungdam na ko uh ciangin, Topa Jesus min taw na vawt tu uh hi.
(*_*) =*=*=*=*=*= (*_*)
Comments are off this post