LYRIC
19 Nu Ni (Mother’s Day)
Thuciam Lui
Heakna na nei natu in TOPA zatakna na nei phot kul hi. Mihing mamawte in ciimna awlmawk ngawlin sin nuam ngawl hi.
Na pa le na nu hong sonte pha takin nadon in, ka tapa awng. Amate hong hilnate in a etlawm kipuanna dial khawng, khi khawng ii na meal hong hoituam sak bangin na ngamtat zia hong pua sak tu hi.
Thuciipna le Thumaanna thasua ngei heak in. Na ngawng kiimkot ah sawm in a; na lungtang tungah at in. Hi bangin na ngamta le Pathian le mihing te mai ah nang thupi hong sa tu hi.
Na thin theampo taw TOPA muang in. Nangma ii he na kisakte bangma hunin muang heak in. Na sep na vawt theampo sungah TOPA phawk in, tua hile ama in a maan lampi hong lak tu hi.
A kizen mama zi khat mu natu bang za in haksa ziam! Ama in suangmanpha te sangin tam mama in manpha zaw hi. A pasal in ama tungah muanna nei a, tua a pasal sia kitangsapna nei ngei buatu hi.
Tua nu in a nuntak lai tawntung in a pasal tungah phatna vawt a bangma hunin thusia a vawt ngei bua hi.
A tate in ama dik a sakna uh lak a, a pasal in pok hi. A pasal in, numei tam mamate in zipha vive hi a, tuate theampo sung pan nang sia a phabel na hi hi, ci hi.
Ngaibanna in hong theam thei a, mealhoina zongh bo thei hi, ahi hang TOPA a upat numei khat sia kipok tu hi.
Thuciam Thak
A ni thum ni ciangin biakinn sungah Jew syate taw tokhawm a thu ngai thu dongh in a om mu uh hi.
Ama ii ciim kammal taw a zona te sia a za theampo in lamdang sa uh hi.
A nu le a pa in ama a mu uh ciangin lamdang sa in, a nu in a tapa ii munah, Ka tapa awng, banghangin hi bangin hong vawt ni ziam? Na pa le kei in, nang kong zazonna in ka thin uh ngim mama hi, ci hi.
Ama in zokik a, Banghangin kei hong zong nu ziam? Ka pa inn sungah ka om tu a kul hunlam he ngawl nu ziam? ci hi.
Ahizong amate in ama zo kikna thu a tel bua uh hi.
Tua ahikom Jesus sia amate taw Nazareth ah heakkik a, tua munah amate thu ni in om hi. A nu in hi thute theampo a thin sungah keam hi.
Jesus sia a pumpi le ciimna ah hong khangto a, Pathian le mihingte tung panin maipha nga hi.
Jesus ii thinglamtee taw a kinaina ah, a nu ii suapuinu, Clopas ii zi Mary, le Mary Magdalene te ding uh hi.
Jesus in a nu le a it nungzuipa a ding khawm mu a, tua ahikom a nu munah Ama sia na tapa hi, ci hi
Tua zawkciang a nungzuipa munah, Ama sia na nu hi, ci hi. Tua hun pan kipan nungzuipa in, ama inn ah a et tu in, a nu ciapui hi.
(*_*) =*=*=*=*=*= (*_*)
Comments are off this post