LYRIC
52 Nuntak Nuam (The Blessed Life)
Thuciam Lui
TOPA thukham bangin nungta a, a nuntakna a sit baang ngawlte in mihing lungdamte ahi hi.
Ama thupiakna a zuite, a thin theampo taw ama thu a nite in mihing lungdamte ahi uh hi.
Ka thin theampo taw nang atu sep tu ka hanciam hi; na thupiakte nit ngawlna panin hong keamcing tan.
Nong hilnate thumaan tak a, ka kepcing natu sia bangza in lametna nei khi ziam! Na thupiakte theampo ka na don le, ka mai hong zum sak batu hi.
Khangno khat in ama nuntakna bangbangin a thiangtho in keam cing thei tu ziam? Na thupiakte nitna taw keamcing thei tu hi.
Na lam laknate ka kan a, na hilnate ka en thiang hi. Na thukhamte sungah nopsakna ka nei hi; nong thupiaknate ka mangil batu hi.
TOPA awng, na thukhamte ii khiakna hong hil tan, tua hile a tawntungin tuate ka ni tu hi.
Na thukham kei tungah hong thiang son tan, tua hile ka ni tu a; ka thin theampo taw ka keamcing tu hi.
TOPA awng, kei bangza hong it ni ziam hong lak tan a, na kamciam sa taw kizui in, kei hong ngum tan. Tasia ciang kei hong langte ka zo thei tu hi banghangziam cile na kammal ka muang hi.
Na thukham a itte in a bit lungmuanna nei a, amate a liik sak thei bangma a om bua hi.
Thuciam Thak
A kithethaang thu umte in mun theampo ah pai in thuhil uh hi.
Philip in Samaria khuapi ah pai in tua mun mipite tungah Messiah thu hil hi.
Mihonpite in Philip pauna sia phatak neakin ngai uh a, amate in na lamdang lakna a vawtte theampo mu uh hi.
Mihing tam mamate sung pan doai ngilote sia a nging in au a, pusuak hi; pumzawte, peangbaite tam mama dam uh hi.
Hi thu hang mama in, na hi thei tawpin phatna sia upna tungah belap vun; na phatna tungah heakna belap vun; na heakna tungah pumpi ki ukzawkna belap vun; pumpi ki ukzawkna tungah thuak zawkna belap vun; na thuak zawkna tungah Pathian bang hina belap vun; Pathian bang hina tungah, u le nau ki itna belap vun, tua u le nau ki itna tungah a theampo it theina belap vun.
Hi kicinnate sia, na kitaangsapte uh hi a, tuate a kicingin, na nei uh le, tuate in no sia ih Topa Jesus Christ heakna sungah a dingzo tan, a kizenpa hong suak sak tu hi.
Ahihang hi kicinnate a nei ngawlte sia, a khua muna toi ahikom mu thei ngawlin, a mawna luite pan, kithiansua zo ahi hunlam mangil zo uh hi.
Tua ahikom ka suapuite awng, Pathian hong sapna le, hong tealna sia a kip, na neisa a sua natu in, a nasia zaw kan in, hanciam in, tabangin na hi le na upna na nusia kik ngei batu uh hi.
(*_*) =*=*=*=*=*= (*_*)
Comments are off this post