LYRIC
32 Nuntak Tawntungah (Enduring Life)
Thuciam Lui
Topa awng, nangma in a tawntung in kote inn na hi hi.
Mualte na bitphua ma, simlei na pian sak ma in nangma in a om tawntung Pathian na hi a, a tawntung in Pathian na hi tu hi.
Mihing sia a pian maksakna ah cia kikin na sawl a, leivui na suakkik sak hi.
Kum tulkhat sia nang atu in ni khat bang ahi hi; tuate in a bo sa zeini taw kibang a, zan lai nai tomno khat taw kibang hi.
Tuipawm bangin kote nong paipui a; zan mangmat khat bang ka hi bek uh hi.
Kote sia ziingsang in meangin khangto a, a paak, nitak sang ciang vul in a thi lopate taw ka kibang uh hi.
Kote nuntak hun in kum sawmsali hi a, ka hat uh le kum sawmliat hi; Tuate in ngimna le heena hong puak bek hi; nuntakna sia tawmvei sungin kiman a, kote sia ka om nawn bua uh hi.
Kum tulkhat sia nang atu in ni khat bang ahi hi; tuate in a bosa zeini taw kibang a, zan lai nai tomno khat taw kibang hi.
Ka ciim thei natu uh in ka nuntakna uh sia bangza in tom ziam ci in hong hil tan.
Topa kote Pathian awng, na thuphate ko taw hong om tahen. Ka sep ka vawt uh theampo sungah zawna hong pia tan!
Thuciam Thak
Moses ii taungo ngul sia senneal ngamsung thingkhuam tungah a khai bangin Mihing Tapa zongh kikhai tu hi.
Taciang ama a umte theampo in, nuntak tawntungna a nga tu hi.
Pathian in a Tapa a um mihing theampo thi ngawlin nuntak tawntungna a nga natu in, khat bek a nei a Tapa hong piak dongin leitung mihingte hong it hi.
Banghangziam cile Pathian in a Tapa sia thukhen tu in, hi leitung ah hong pai sak bua a, ngumpa tu in hong pai sak hi.
Tapa a umte peuma kuama thukhenna thuak ngawl tu hi.
Ahihang a um ngawl sia, thukhenna a thuakzo hi, banghangziam cile ama in, Pathian ii Tapa khat bek sia a um bua hi.
Na suapuipa sia nuntakna sungah tho tu hi, Jesus in ci hi.
Ni tawpkhak ni ciang, ama sia tho kik tu hi, ci in ka he hi, Martha in ci hi.
Jesus in, Keima in thawkikna le nuntakna ka hi hi. Kei hong um peuma a thi zongin, a nungta tu hi;
Ama in, Um khi hi, Topa awng! Leitung ah hong pai tu a kici, Pathian Tapa Messiah na hi sia hong um khi hi, ci hi.
(*_*) =*=*=*=*=*= (*_*)
Comments are off this post