LYRIC
12 Nuntakna Anluum (Bread of Life)
Thuciam Lui
TOPA in, A dangko theampo awng, hong pai tavun hi lai ah tui om hi!
Hong pai tavun, no sum nei ngawlte awng, antang lei vun a ne vun! Hong pai tavun! Sapitui le khuinoai lei vun bangma manh piak kul ngawl hi!
Banghangin ngilva dangva na ngawl po in sum zangh thathong nu ziam? Banghang na thalaw sa sumte zangh napi ngilkial lalai nu ziam?
Hong ngai tavun a, kong ci bangin seam vun, tua hile an lim bel na ne tu uh hi.
Tu in ngai vun, ka mite awng, ka kungah hong pai tavun! ka kungah hong pai tavun tua hile nuntakna na nga tu uh hi! Note taw kiciamna kho khat ka vawt tu a, David tungah ka kamciam sa thuphate kong pia tu hi. Leitung panin vantungte a kikhualat za in, keima paizia le ka ngaisut ziate sia no ii paizia le na ngaisutna ziate taw kikhuala hi.
TOPA in, Ka ngaisutnate no a taw kibang ngawl a, ka paiziate no a taw kilamdang hi.
Ka kammal in leitung tuibuak tu a van pan hong taaksuk vuuk le nguatui taw kibang hi. Amate in ankungte khangto sakin neak tu an le ciin tu anciite piang sak hi.
Keima kam panin a pusuak kammal zongh tabangma hi tu a,
A hawm nguakin ka kungah hong heak kik ngawl tu a, sep tu a ka ngealna bangin tangtung a; ka sawl teng theampo seam tu hi.
Thuciam Thak
Vantung pan a anluum tatak hong pia pa in ka Pa ahi hi.
Banghangziam cile, Pathian hong piak anluum in, nuntakna a pia tu in, vantung pan hong paisuk pa ahi hi, Jesus in ci hi.
Amate in, Topa awng, hi anluum hong pia tawntung tan, ci uh hi.
Jesus in, Keima in, nuntakna anluum ka hi a, Kei kungah hong pai pa in, a ngilkial ngei nawn ngawl tu a; a dangko ngei nawn ngawl tu hi.
Hong sawlpa ii deina sia, hong piak sa theampo sung pan khat zongh bosua ngawl natu ahi hi.
Banghangziam cile ka Pa deina sia, Tapa mu a, ama a umte theampo in tawntung nuntakna a nga tu a, ni tawpkhak ni ciangin, amate tawntung nuntakna sungah ka phongto tu hi, ci hi.
Keima in vantung pan hong pai a nungta anluum ka hi a, hi anluum a ne peuma nungta tawntung tu hi. Ka piak tu anluum in, leitung nuntak natu a, ka piak ka taksa ahi hi, ci hi.
Kei ii ka piak tui a dawnte in a dangko kik ngei nawn ngawl tu a, ama sung pan ciktui in hong piang tu a, tua in nuntakna tui hi tu a, taciangin tawntung nuntakna nga sak tu hi, ci in zo hi.
Topa awng, tua tui kei hong pia tan! Ka dangko nawn ngawl tu a, tui toai tu in hi munah ka pai a kul nawn batu hi, numei nu in ci hi.
Ngutapa ahile a ngu tu, a that tu le a lalcip sak tu bekma in, hong pai hi. Kei kong paina sia, nuntakna na nga natu uh le a kicing nuntakna na nga natu kong pai hi.
(*_*) =*=*=*=*=*= (*_*)
Comments are off this post