LYRIC
22 Patangte Ni (Children’s Day)
Thuciam Lui
Ka tapa awng, na pa hong hilnate ngai in. Phatak in nadon lete na tel thei tu hi.
Nang kong hil sia thupha ahikom a vekpi in ciamtee in. Ka nu le ka pa ii tapa khat bek ahi keima ka no lai in,
Ka pa in hong hil hi. Ama in, ka ci theampo ciamtee in a, mangil ngei heak in. Kong sawl bangin ngamta in, tua hile na nungta tu hi.
Ciimna taisan heak in; tua hile tasia in nang hong hung tu hi; ama dei in, tua in nang hong keamcing tu hi.
Patangno khat zongh ama ii sep le vawt taw kilangh hi; ama sia thumaan in pha ziam? ci sia na tel thei tu hi.
Patang khat ii a nuntakzia tu na hil vun, tua hile a khan tawntung in ciamtee tu hi.
Ka tapa awng, ka ci teng phatak nadon in a, ka kammalte ngai in.
Tate in nangma taisan sak heak in. Tuate ciamtee in a, na thinsung sangah keam in. Tuate a tel theite tungah tuate in nuntakna le ciidamna pia tu hi.
A khangmoi ka lawmte awng, hong pai tavun a, hong ngai tavun, tasia ciang Pathian zatak tu zia kong hil tu hi. Tua ahile kamsia pauna le leeilot thusonnate pan kikeam vun. Siatnate nungngatin phatna vawt vun a; na thin theampo uh taw kilemna a om natu in hanciam vun.
TOPA in thutangte encik a, amate aunate ngai hi; ahihang siatna a vawtte sia ama in langpan a, amate a thi uh ciangin kimangil pai hi.
Thuciam Thak
Tua hun laitakin a nungzuite sia Jesus kungah hong pai a, Vantungngam sungah akua lianbel ziam? ci in dongh uh hi.
Tua ahikom Jesus in patang khat samin, amate mai ah ding sak a,
A tatak in kong ci ciang kikheal in patangte bang na suak bua uh le Vantung ngam sungah na tum thei batu uh hi.
Vantungngam sungah a lianbel sia in, ama le ama kiniamkhiak a, hi patang bang ahite ahi hi.
Taciang hi bang patang khat kei min taw a saangte in, keima hong saang ahi hi.
Mihing khat po in patang khat ii kei hong upna a lal sak le,
Tuapa ngawng ah anngoaina suangpheak kikhi in tuipi thukna sungah kikhiasuk le pha zaw tu hi.
Mihing pawlkhat in patangte tungah khutnga a, thungetsak tu in Jesus kungah paipui uh hi; ahihang nungzuite in tua mihingte tei hi.
Jesus in, “Patangte ka kung ah hong pai tahen, khaam heakvun, bang hang ziam cile Vantung ngam in tuabang te atu ahihi” ci in amate tung ah a khutnga a, tuazawk ciang paisan hi.
Patang hong khang a hong hat hi; ama sia ciimna taw kidim a, taciang ama tungah Pathian thupha om hi.
(*_*) =*=*=*=*=*= (*_*)
Comments are off this post