LYRIC
33 Pathian Ih Thangaina
Thuciam Lui
TOPA huna nga tu in thinsau takin ka ngak hi, ama in hong ngai a ka auna hong za hi.
Ama in a lauhuai dum sung pan le, buannawng sung panin hong kaito hi. Ama in suangpi tungah hong suanto a, ngam muanna hong pia hi.
Ama in Pathian pokna la thak khat hong hil hi, ih Pathian pokna la khat ahi hi. Hi thu a mu tam mamate in kidop theina nga tu a, TOPA tungah muanna nei tu uh hi.
Milim sang zuan ngawlin Pathian tak ahi ngawlte bia ngawl a, TOPA a muangte in mihing lungdamte ahi uh hi.
TOPA ka Pathian awng, ko atu in a lamdang tupnate tam mama nong sep sak hi. Tate sia tam lei ahikom a vekpi in ka son zo batu hi!
Sangaw biakpiakna le piaknate na dei bua hi; biaktau tungah nganhing pumhal tu nong ngen bua hi, tua ahibale zong mawna laakkeak natu in sangaw biakna nong ngen bua hi. Tate taangin nang kong zaakthei natu in bil nong pia hi,
Nang hong tu theampo lungdam in thin nuam tahen.
Nong ngupna tungtaang ah a lungdam theite theampo in, Topa lian mama hi ci top tahen.
Topa awng, kei sia thazawm in ka zawng a, ahihang nong mangil bua hi. Nang sia ka hunpa le ka Pathian na hikom, hong hu tu in hong manlang tan!
Israel Pathian TOPA pok vun! Tu le a tawntung in pok vun! Amen! Amen!
Thuciam Thak
Jesus in, Keima in lampi ka hi hi, thumaan thutak ka hi hi, nuntakna ka hi hi; kei taw ngawlin kuama in Pa kung a theng batu hi. Tu in kei hong he zo na hi uh ciang, ka Pa zongh na he tu uh hi. Tu pan kipan ama na he uh a, na muzo uh hi, ci hi.
Philip in, Topa awng, Pa hong lak tan, tua hile ka kisap uh dang om nawnngawl hi, ci hi.
Jesus in, No taw khua ngei mama omkhawm zo napi; hong he ngawl lai ni ziam, Philip awng, Kei hong mu po in Pa muzo hi. Tua ahile banghang in Pa hong lak tan ci ni ziam?
Philip awng, Pa sungah kei om a, kei sungah Pa a om hunlam um ngawl ni ziam? ci hi. Tua zawkciang Jesus in nungzui dangte tungah, no tung a kong son kammalte sia keima sung panin, hong pusuak ahi bua hi. Ka sung a om Pa in, ama nasep tu teng seam hi.
Pa sungah kei ka om a, kei sungah Pa om hi kong ci ciangin, hong um tavun. Tua ahibale zong ka sep ka vawtte hangin kei hong um tavun.
A maan takin kong ci ciangin; kei hong um peuma in, ka vawtteng a vawt thei tu hi.
Hi hi, a thupi zaw zongh vawt tu hi, banghangziam cile kei sia Pa kung ka zuan tu hi.
Taciangin keima min suang a nong nget papo sia Tapa tungtawn in Pa minthan natu in kong vawt sak tu hi.
Nong it uh le ka thupiakte na ni tu uh hi.
Ka Pa in kei hong it papo a it hi; kei zongh in ama ka it tu a, ama tungah keima le keima ka kilak tu hi, ci hi.
(*_*) =*=*=*=*=*= (*_*)
Comments are off this post