LYRIC
4 Pathian Inn (God’s House)
Thuciam Lui
TOPA inn sungah pai ka tawng hong ci a om ciangin ka lungdam hi. Tu in eite sia hi sung Jerusalem kongpite sung sangah ih ding hi!
Jerusalem sia a kipua kik a etlawm, a hoi khuapi khat ahi hi. TOPA thu piak bangin ama tungah lungdam ko tu in, Israel minamte hong paina mun ahi hi.
Jerusalem khuapi thinnop natu thungen vun. Nang hong itte khangto tahen. Na kulhte sung ah kilemna om tahen a, na kumpi inn ah nopsakna om tahen, ci vun.
TOPA tungah thu ka ngen a, ka dei khat bek a om hi; ka nuntak tawntung TOPA inn sungah teang a, ama phat nate et tu le lam hong laknate nget tu ahi hi.
Ngimna hun sungah kei hong seal tu a, a Biakinn sungah kei hong keamcing tu hi. A suangpi tungah kei hong koi tu hi.
Vaanglianbelpa TOPA awng, na Biakinn ka thangai mama hi. Tua munah ka om nuam mama hi! TOPA Biakinn sungah om tu ka thangai hi.
Ka nuntakna theampo taw a nungta Pathian tungah lungdam in la ka sa hi. Tonbawmte ngawngawn in bu sa a, pialpiate in amate buk tek nei hi; amate in na biaktau taw a kinainaah a note koi uh hi,
Vaanglianbelpa TOPA ka kumpipa le ka Pathian awng. Na Biakinn sungah teang a, a tawn tung nang tungah pokna la a sate in mi lungdamte ahi uh hi.
Thuciam Thak
Biakinn sungah Jesus tumin sumzuakte theampo not keak hi. Sum theakte ii sabuai le vakhu zuakte tokhumte sawnthal sak hi,
Taciang, Laithiangtho sungah Pathian in, ‘Ka Biakinn sia thunget na inn’ kici tu hi, cihi, ahihang note in ngutate bukna na suaksak uh hi!
Jesus sia Nazereth khua ama khanna munah ciakik a, Sabbath ni in synagogue ah a pai ngei bangin pai hi. Ama dingin Laithiangtho sim tu in kithoai a,
Tasia ciangin kamsang Isaiah ii laibu aap uh hi. Laibu zial phel a, hibang a ki atna mun mu hi.
TOPA ii Thaa kei tungah hong om hi, mizawngte tungah Lungdamna thupha puak tu in kei hong teal hi.
A kimante suatakna a pia tu le, mittawte khuamu kik tu, nencip a thuakte suatakna thu a thang sak tu,
Topa in amate ngupna anga natu hun hong theng zo hi, ci in thuthang sak tu in kei hong kisawl hi, ci hi.
Jesus in Lai thiangtho zial in, a keampa tungah a aap zawkciang ama to hi. Synagogue sungah a to theam po in, lamdang et tek uh a,
Hi Laithiangtho kammal hong kisim teng na zaak uh bangin, tuni in hi thuteng hong tang tung zo hi a ci hu in, lamdang et tek uh hi.
Kammal tak nei taw a pau thiam hu in mihingte thinsung hong suu hi, Joseph ii tapa hi kana ngawl ziam? ci uh hi.
(*_*) =*=*=*=*=*= (*_*)
Comments are off this post