LYRIC
48 Pathian Kammal (God’s Word)
Thuciam Lui
Na thukham dik mama ka sa hi! Nitangtum in ka ngaisun hi. Na lam laknate thum mama a, khuaitui sang ngangawn in thumzaw hi!
Na thukhamte panin ciimna ka nga hi, tua ahikom a sia ngamtatna theampo ka ensan hi.
Na kammal in kei lam hong lak tu mei-inn hi a ka lampi atu khuavak ahi hi. Na thupiakte sia a tawntung in keima neisa ahi hi; tate in ka thinnopna ahi hi.
TOPA ka Pathian awng, ko atu na tam mama hong sep sakzo nang taw a kibang khat zongh omngawl hi. Ko atu in a lamdang tupnate tam mama nong vawt sak hi.
Tate sia tam lei ahikom a vekpi in ka sonzo batu hi!
Ta ciangin, keima in en in, laibu sungah keima thu a ki at sa bangin kong pai hi. Na deina sep tu sia bangza in uuk khi ziam, ka Pathian awng! Nong hilnate ka thintang sungah ka keamcing hi, ci in ka zo hi.
Huutna thupha sia keima aituam atu in bilh thong ngawl khi hi; na thumaanna le nong huna sia a tawntung in ka sonlaak hi.
Na mipawlte kikhopna sungah na thumaanna le na itna kip son ngawl in ka om thei bua hi.
TOPA awng, kei nong hesuakna sia tawp ngei ngawl tu ci in kong he hi. Nong itna le na thumaanna in a tawntung in kei hong keamcing tu hi.
Kong bel le kei hong tanpa TOPA awng, ka ngaisutnate le ka kampau nate nang saan thei hi tahen!
Thuciam Thak
Pathian mai le Jesus Christ mai ah, ciliap huai takin kong sawl nopna panin, Ngupna thu, a hun om kale, om ba ka le thuhilna in na nei tawntung in, up sak natu, tei natu, hanthot natu in thinsauna taw na than sak natu vawt hamtang in. Mihingte in upna bulpi maante hong za nuam nawn batu a, amate deina uh zui in, bilthak liang a, a zaaknop uh thute a son tu syate tam va-ial hong khoptua tu hun hong theng tu hi. Amate in thumaan thute ngaina pan puapial in, phuatawm thute hong ngai nuam zaw tu hi. Ahihang nangma le nangma sia hunte theampo sungah na ki uk in; ngimnate na thuak kenkon in, Lungdamna Thupha thuhilpa nasepte naseam in a, Pathian naseam pa bangin nasep tu theampo na seam in. Tai kidemna ah ka hi thei tawpin ka hi zo a, ka tai tu tan ka taizo hi, upna ka keamcing zo hi. Tu in thumaan thutang thukhenpa, Topa in tua Ni ciangin kei hong piak tu, Pathian mai ah thutang suana zawna thaman in kei hong ngak nginge hi. Kei bek hong pia tu hi ngawl a, ama hong paikik tu itna taw a ngakte theampo zongh pia tu hi. Lai Thiangtho sia a vekpi in Pathian hu mop ahi hi. Thumaan hil natu, tei natu, khialna pua natu, a maan a nuntakna tu in hil natu sung theampo ah manpha hi. Tua ahikom, Pathian na a seamte in na phate theampo a vawt natu in, kicinna a cingin a nei thei natu ahi hi.
(*_*) =*=*=*=*=*= (*_*)
Comments are off this post