LYRIC
31 Pathian Muanna (Trust in God)
Thuciam Lui
TOPA kote ii Topa awng, na phatna sia leitung theampo ah kimu hi! Hong kipokna vantung dong theng to hi;
Na vawtsa vantung le a omna mun tek ah na koi, tha le aksite ka et ciang,
Mihingte sia bang hithong a, bang hang hong phawk thei ni ziam, mihing lelel po bangbangin thinbot thei ni ziam?
Nangma bekma sangin a niam zaw hiat in na koi a, minthanna le minphatna na pia hi.
Na vawt sa na theampo uk tu in na koi hi; bitphuasa theampote ii tungah na koi hi:
TOPA kote ii Topa awng, na phatna sia leitung theampo ah kimu hi! Hong kipokna vantung dong theng to hi.
Mihing ngilote in that tu in hong sim ciangin, amate lutu in puk uh hi.
Ngalkap hon buppi in hong kiim uum hial zong ka lau batu hi; ka ngalte in hong sim ka le zong Pathian ka muang vave tu hi.
Topa tungah na khat ka ngen a, ka dei khat bek a om hi;
Ka nuntak tawntung TOPA inn sungah teang a, ama phatnate ettu le lam hong laknate nget tu ahi hi. Ngimna hun sungah ama in hong lia tu a, ama Biakinn sungah hong keamcing tu hi, taciang suangpi saang tungah ngammuang in hong koi tu hi.
Thuciam Thak
Hi lam laknate le hilnate amate tungah son sawn in. Na khanmoi na kuama in zawngsak sak heak in a,
Na pauna, na ngamtatna, na itna, upna le thiangthona sungah, thu umte ii ettee tu hi tan.
Kong pai mateng in, na hun le na hanciamnate mihonpite tungah Laithiangtho simna, thuhilna le hilna in, na zangh in.
Na sungah a om Thaa thiangtho telte na ngaingon heak in a, kam sangte paunate le upate in na tungah khut nga in thu ngetsak nate, nangma thiamna telte valthong sak heak in.
Hite, na kisisin tan a, nangma le nangma tuate tungah hun kipia tan, tua hile na khantona ngual theampo in hong mu tu hi.
Na thuhilnate ngamtatnate ah kidawm in Tua thute zom to tan;
Banghangziam cile tabangin na vawt ciang, nangma le na thusonna hong za te tungah ngupna nanga sak tu hi.
Keima in note kong it bangma note khat le khat na ki it vun a, ki itna ah khangto va-ial in, na kicin natu natu, Topa in hong siam tahen.
A neisa mithiangtho theampo taw Topa hong pai ciang eite, ih Pa Pathian mai ah a thiangtho le a cialcing ih suak tu hi.
Eite thinnopna hong pia a, a kicing in hong thiangtho sak tahen. Na thaa, na thinsung le na pumpi uh hong keam, Pathian in ih Topa Jesus Christ hong pai ciangin paubanna om ngawl tu in hong keamcing tahen.
(*_*) =*=*=*=*=*= (*_*)
Comments are off this post