LYRIC
11 Pathian Ngam (The Kingdom of God)
Thuciam Lui
Eite atu nausen tapa khat hong kipia hi! Ama in eite hong ukpa hi tu hi. Ama sia, Lamdang, Thulakpa Vaanglian Pathian, Tawntung Pa, Kilemna Kumpi Tapa, kici tu hi.
Ama ii kumpi vaangletna sia kizom in khang tato tu a; ama ngam sungah kilemna a tawntung om tu hi. Ama in David kumpipa ii za lai tu a, ama vaangletna in thumaanna le thu tanna bulphu in tu pan kipan hun bo dongin uk tu hi. Vaanglianbelpa TOPA in hite theampo seam nanak tu hi.
Tua zawkciang a kuama po tungah ka thaa ka buak tu a; Note tapa le tanute uh in ka thu thang sak tu uh hi;
Note pasal huaite in mang man tu uh a, note khangnote in mu kholna mu tu uh hi.
Tua hun ciang naseam nupite le pasalte tung ngawngawn ah ka thaa ka buak tu hi.
Israel mite theampo ii zui tu a, Sinai Mual Moses tungah ka piak thukhaam le thupiakte, le ka na seampa Moses ii hilnate ciamtee tavun.
Ahihang a lauhuai le a lian TOPA hong pai tu ni hong thet maa in kamsangpa Elijah kong pai sak tu hi.
Ama in pate le tate hong ngawmtua kik tu hi, tua ahibale keima hong pai in, na ngam kong sukcip kul tu hi.
Thuciam Thak
Jesus sia Galilee ngam ah pai a, Pathian Lungdamna thupha hil hi. A hun hong tung zo hi, Pathian Ngam hong nai zo hi. Na mawna uh pan kisiik vun a, Lungdamna Thupha um vun! ci hi.
Jesus sia Galilee tuili hui ah a va laitakin, ngasa paai mihing nii, Simon le a suapuipa Andrew ngeen taw ngasa man in om mu hi.
Jesus in, Hong pai tavun, mihing mante kong suak sak tu hi, ci hi. Thakhat in amate in, a ngeen uh nusia in ama zui uh hi.
Jesus in thusonteena dang khat ma son hi: Vantungngam thu sia hi bang hi. Pasal khat in ankam cii la in lo sungah poai hi.
Tua thaicii sia thaicii a minpiang a nobel ahi hi, ahihang hong liat ciang, ankung lianbel suak hi. Ama sia ankung pui suak ahikom vacimte in a baakte kawm ah bu hong vawt uh hi.
Jesus in thusonteena dang khat ma son lai hi: Vantungngam thu hi bang hi. Numei khat in tol tawm la in anvui khum khat dim taw hel a, a vekpi in hong pawm hi.
Jesus in, Ka ngam sia hi leitung ahibua hi; ka ngam sia hi leitung hi le, Jew thuneite tungah hong ki aap ngawl natu in, ka nungzuite in, do in hong hung tu hi. Hi ngawl hi, ka ngam sia hi sung hi ngawl hi! ci hi.
Pilate in, Tua ahile kumpipa khat na hi ziam? ci in dongh hi. Jesus in, Kumpipa hong ci sia nangma na hi hi. Hi leitung ah suak a, thumaan thutak son tu in, kong pai hi. Thumaan thutang ii neisa ahite peuma in kei thu hong ngai hi, ci in zo hi.
(*_*) =*=*=*=*=*= (*_*)
Comments are off this post