LYRIC
23 Pentecost Ni (Whit Sunday)
Thuciam Lui
TOPA in ci hi, Irael mite le Judah mite taw thuciamna thak khat ka vawt tu hun hong theng tu hi.
Israel mite taw ka vawt tu thuciamna thak sia hi bang hi tu hi.
A mate sung sangah ka thukham ka koi tu a, a lungtang tungah tuate ka at tu hi. Keima in amate ii Pathian ka hi tu a, amate sia ka mihingte hi tu uh hi.
TOPA a heak natu uh in amate kuama in a ngam mipuite thuhil ngawl tu hi,
Banghangziam cile a nobel pan a lianbel dongin kei hong hesiat tu uh hi.
Keima in amate ii a khialnate ka mai sak tu a, a khialnate ka ciamtee nawn batu hi. Keima, TOPA in ka ci zo hi. Thin thak le ngaisutna thak amate ka pia tu hi.
A thinpui a suang lungtang ka laak sak tu a, amate tung ah thunit theina lungtang ka pia tu hi.
Tasia ciang amate in, ka thukhamte zui tu a, amate keima aahi tu a, keima in amate Pathian ka hi tu hi.
Anciite po in a meento bang keak ma in,
Vaanglianpipa TOPA in a mite ngum tu a, Minamte theampo in ama pok tu uh hi.
Thuciam Thak
Pentecost ni hong thet ciangin, thu um theampo mun khat ah kikhawm uh hi.
Thakhat thu in, van pan a nging khat hong om a, vui nasia tak a vakngawp ciang, a luum himhum bang hi in, amate tona inn buppi sia tua a nging taw kidim hi.
Tasia ciangin amate in leei taw a kibang meikuang mu uh a, tua munah a om mihing khat sim, tua meikuang in thutha hi.
Amate sia Thaa Thiangtho taw kidim uh a, Thaa ii a piak babangin, kampau dang tek taw pau uh hi.
Lamdang sakna le lungdamna taw amate in ci uh hi. Tu a bangin a pau mihingte sia Galilee mite ahi hi. Tua ahile amate pau sia, eima kam tek taw ih zaak sia bangbangziam?
Taciang Peter in a dang sawltak sawm le khatte taw ding a, mihonte tungah nging takin thuson hi:
Jew minampuite le Jerusalem ah a teang note theampo awng, hong ngai tavun, hisia in bang thu ziam ci sia, hong son sak ta vun. Hisia in kamsangpa Joel ii son sa thu ahi hi:
‘Hisia in ni tawpkhak sang ciangin ka vawt tu thu ahi hi, Pathian in ci hi: Mihing theampo tungah ka thaa ka bua tu hi.
Na tapate le na tanute in, kamsaan theina nei tu uh hi. Na khangnote in mang mu tu uh hi. Na khanghaamte in, mang man tu uh hi.
Tua zawkciangin, huna ngen a, Topa a biakpui peuma kingum tu hi.
(*_*) =*=*=*=*=*= (*_*)
Comments are off this post