LYRIC
21 Phawkikna ( In Memoriam)
Thuciam Lui
TOPA awng, nangma in a tawntung in kote inn na hi hi.
Mualte na bitphua ma, simlei na pian sakma in nangma in a om tawntung Pathian na hi a, a tawn tung in Pathian na hi tu hi.
Mihing sia a pian maksakna leivui na suak kik sak hi. Kum tulkhat sia nang atu in ni khat bang ahi hi; tuate in abosa zeini taw kibang a, zanlai nai tomno khat taw kibang hi.
Tuipawm bangin kote nong paipui a; zan mangmat khat bang ka hi bek uh hi.
Kote sia ziingsang in meangin khangto a, a paak, nitak sang ciang vulin a thi lopate taw ka kibang uh hi.
Kote nuntak hun in kum sawmsali hi a, ka hat uh le kum sawmliat hi.
Tua hun sung ah ngimna le heena hong puak bek hi; nuntakna sia tawmvei sungin kiman a, kote ka om nawn bua uh hi.
Ka ciim thei natu in ka nuntakna uh sia bangza in tom ziam? ci in hong hil tan.
Ka nuntak tawntung lungdam in ka om thei natu, zingsim in tatsat ngawl na itna taw hong dim tan. Ka suan ka paalte tung ah na minthan thahatna hong mu sak in.
TOPA kote Pathian awng, na thuphate ko taw hong om tahen. Ka sep ka vawt uh theampo sungah zawna hong pia tan!
Thuciam Thak
Suapuite awng, Pathian ii a lian mama hong hesuakna hu in, noma le noma a hingtang biakpiakna in kinei tavun a, ama ii dik a sak nasep seam tu in na ki aap tavun.
Na piak tu biakpiakna maan sia, hi leitung pianzia zil ngawl a, Pathian in na thin sunguh thiangtho tak pua sitset sak vun. Tua hile a pha, dik a sak kicing a sak Pathian deinate na he tu uh hi.
Tua zawkciang ka et le, mihonpi tam mama kuama ii sim zawk ngawl tu om kamu hi!
Amate sia minam, tatuam le pau namcin pan hi a, Tuuno kumpi tokhum mai ah dingin, puantual kaang silh a, a khut sungah palm sawl toai uh hi.
Amate in awnging takin au uh a, Kumpi tokhum tungah a to ih Pathian le Tuuno kung panin, Ngupna hong pai hi, ci uh hi.
Upate khat in, Hi puantual kaang silhte akuate hi a, koisung pan hong pai ziam? ci in hong dongh hi.
Topa awng, Nangma hezaw tu ni hi, ci in ka zo hi. Ama in, Hite sia vawtsiatna nasia mama sung pan a suaktate hi. Amate in a puantualte silthiangzo a, Tuuno mai ah dingin, a chi taw kaang sak zo uh hi.
Tua ahi hu in, amate sia Pathian kumpi tokhum mai ah dingin sun taw zan taw a biakinn sungah ama atu in na sep sak uh hi.
(*_*) =*=*=*=*=*= (*_*)
Comments are off this post