LYRIC
26 Pumpi Ki-Ukna
Thuciam Lui
TOPA thu ni a, a thupiakte bangin a nungtate in mi nuamsa ahi uh hi. Na nasepna in na kisap teng a kicing tu hong pia tu hi; nangma in na lungdam tu a, na nuam sa tu hi.
Note ziingsang tuung in khamthei sapittui ne tu in na thopal uh a, khamdong ne in, nitak khuazan pialto dongin zu khamin na om uh hi.
Na poai sung ah tengtong, thikdaakkualte, tamngaite, na tum uh a, zu na ne uh hi. Ahihang TOPA nasep nate thusim ngawl in na awlmawk bua uh hi.
A innpaamte puansil ngawl a, a om a mu nop hu in, zu a kham natu zu a piate in ngimnga tahen.
Sapittui tamlei neakna in aw nging sak a, hong mamaw sak hi. Sapittui kham sia mawmawt huai hi.
Ka tapa awng, ngai in, ciim in a na nuntakzia thuk takin ngaisun in. Sapittui tam a nete le longsante taw na kithawl heak in. Zukhamte le antuangte zawng tu hi. Hai ngawlin puansia ngapkaai silh tu hi. Sapittui sia bangza po in san kilkel in, hai sungah te vasip a, ih neak ciang zong naalsuk vazial kale, na ze-et sak heak vun. A khuavak ni ziingciang ngulngu hang ii pe bang na kisa tu hi.
Ciim in, ka tapa awng, tua hile ka lungdam tu hi; kei hong sit khat po munah zokik natu ka nei tu hi.
Thinsung ngaisut kicingte in ngim na hong pai tu mu thei in pial uh hi, ahihang a ngaisun meal ngawl khat in tua ngimnate sung tawn in pai vacin a, a zawkciang kisiik hi.
Thuciam Thak
Na nuntakzia kidawm in, heakna a nei ngawlte bangin na nungta heak vun a, a ciimte bangin na nungta vun. Hunpha na nga simin, a pha in zangh in, banghangziam cile tu hun in ngitlo hun ahi hi.
Tua ahikom mawmaw heak vun a, Topa in nang sia bang vawt le hong oai cisia na heak natu in na hanciam vun.
Nang hong lal sak thei, sapittui na kham heak vun: Thaa taw na kidim zaw tavun.
Kong son thu in hi sia ahi hi: Thaa in na nuntakna zeak sak vun, tua hile mihing pianzia deinate na lungkim sak batu uh hi.
Ih mihing pianzia ii deite sia Thaa ii deite taw kinungngat hi, taciangin Thaa ii deite sia mihing pianzia ii deite taw kinungngat hi.
Ahihang Thaa ii a nga sia ki itna, lungdamna, thinnopna, thinsauna, dikna, phatna, thumaanna, kiniam khiakna le eima le eima ki uk zawkna ahi hi.
Taciang Christ Jesus neisa ahite in, a mihing pianzia le tua ii uukna deinate sia thi sak zo uh hi.
Thaa in nuntakna ei hong piazo hi; ama in ih nuntakna zongh hong uk tu hi.
Note in Pathian biakinn na hi uh a, note sungah Pathian Thaa hong teang nginge ahi sia na he uh hi!
Tua ahikom khat po in Pathian biakinn a susia le, Pathian in ama sia a susia tu hi. Banghangziam cile Pathian biakinn sia thiangtho a, note mama in ama biakinn na hi uh hi.
(*_*) =*=*=*=*=*= (*_*)
Comments are off this post