LYRIC
3 Thin Sung Tamtham Taw A Biate (Contrite Worshippers)
Thuciam Lui
Kei hong hun tu in Pathian thinsau takin ka ngak hi; Ama bekma ka suang hi.
Ama bekma in kei hong hung pa hi a, kei hong kizo thal ngei batu hi. Kei hong kihukna le ka minphatna sia Pathian tung bek ah om hi; ama in thahat a, kei hong sungsia pa ka bukna ahi hi.
Ka nasep hun, ka tawlngak hun zong nong mu hi; ka ngamtatna theampo na he hi. Ka pau natu teng na he khol zo hi.
Nangma in ka kiimkot mun theampo ah na om hi; na vaangletna taw kei nong hung hi.
Kei nong heakna sia thuk mama a; kei heak zawk ahi bua hi.Nang pial tu in koisung zuan tu a, koisung ah tai thei tu khi ziam?
Vantung ah kaato ka leng zong nang na om a, mithite omna leinuai ngam ah lumsuk ka leng zong tua munah na om vave hi.
TOPA Pathian awng, na ngaisutna ka tel zo bua a haksa mama hi! Simtu in ka kipan hial zong senvui za sangin tam zaw hi.
Kei hong veal tan, TOPA Pathian awng, ka thinsung hong he tan; hong sin tan a, kangaisutnate a thakin hong mu tan. Ka siatna a omte hong zong tan a, tawntung lampi ah kei lam hong pui tan.
Thuciam Thak
No taw kong omkhop lai in, hi thu hong son zo khi hi. Thaa Thiangtho ahi Huupa, keima min taw hong sawl tu sia in,
Na theampo hong hil tu a, notung kong sonte theampo zongh hong phawk kik sak tu hi.
Thinnopna kong nusiat hi; keima aituam ka neisa thinnopna kong pia hi.
Leitung mihingte piak bangin kong pia bua hi. Thin ngim in lungmang heak vun;
Tu in, “Hong nusia tu khi hi, ahihang kong pai kik tu hi, ka cina thu naza zo uh hi.”
Na theampo a pian maa tu laitakin hite hong sonkhol zo khi hi, hong pian takpi ciang, na up thei natu uh ahi hi.
Tua ahiciang mun theampo ah pai tavun, mihing namcin ka nungzui suaksak tavun: Pa, Tapa le Thaa Thiangtho min taw tui na phum tavun.
Taciang kong thu piakte theampo hong zui natu hilh tavun. Keima in leitung a bo dongin note taw kong omkhawm tawntung tu hi.
Ka Pa thupiakte zui a, hong itna sung ah ka om bangma in,
Note in ka thupiakte na zui uh le ka itna sungah na kip tu uh hi.Tasiaciang Pa in ama tungah keima min taw na nget theampo uh, hong pia tu hi.
(*_*) =*=*=*=*=*= (*_*)
Comments are off this post