LYRIC
36 Topa Ni (Lord’s Day)
Thuciam Lui
TOPA tungah lungdam ko vun, banghang ziam cile ama pha hi, taciang ama hong itna in a tawntung kikhomsuan hi. Israelte in: Ama hong itna in a tawntungin kikhomsuan hi, ci tahen.
Pathian thiampite in Ama hong itna in a tawntungin kikhomsuan hi, ci tahen.
Ama a bia theampo in Ama hong itna in a tawntungin kikhomsuan hi ci tahen.
Mihing muan sangin TOPA muanna in phazaw hi.
Mihing lampuite suanna sangin TOPA muanna in phazaw hi.
Kei ka thi batu hi; ka nungta zaw tu a, TOPA vawt sa sep sate ka thangsak tu hi.
Biakinn kongpite kei hong hon tavun; a sungah ka tum tu a, TOPA tungah lungdam ka ko tu hi!
Hisia in TOPA zawna ni hi; lungdam in poai vawt tawng! TOPA min taw hong pai pa, Pathian in thupha pia tahen!
TOPA Biakinn panin nang thupha kong pia uh hi.
TOPA tungah lungdam ko vun, banghangziam cile amapha hi, taciang ama itna in a tawntungin kikhomsuan hi.
Thuciam Thak
Nipi ni zingsang tuungin, numeite thaan vil uh a, amate helkhol sa sathau namtuite keng uh hi.
Thaan kongvang panin, suangtum pui sia a kiliik sa in mu uh a, tua ahikom amate sia a sungah tum uh hi; ahihang amate in Topa Jesus luang sia amubua uh hi.
Jesus in, amate tungah Bangzata in mamaw nu ziam? Kamsangte son theampo bangza um hak nu ziam? Messiah in hite a thuak phottu kul a, tua zawkciangin vaangletna sungah tum tu hi ngawl ziam? ci hi.
Jesus in amate huvau Moses ii laibute pan a kipan kamsangte lai at theampo dong Lai Thiangtho a vekpi sungah a kison teng sonthiang hi.
Topa Ni in, Thaa in kei hong uk a, awnging khat ka za hi, tua aw sia lemle aw bang hi a, ka nungsang panin hong paupui hi.
Ama ka mu ciangin mithi sa bangin, a peang ah ka puk hi.
Ama in a khut ziatsang ka tungah hong nga a, Lauheak in! Kei sia a masa phit le a khakbel pa ka hi hi. Keima sia nungta pa ka hi hi! Keima sia ka thizo a, ahihang tu in a tawntung pan a tawntung dongin, ka nungta hi. Thina le mithite ngam ka uk hi.
Tua ahikom nungsang ciang, hong piang tu nate ahizong, tu laitak a om nate ahizong, na mute at in.
(*_*) =*=*=*=*=*= (*_*)
Comments are off this post